Estrogen Levels မျှတမှုက ခန္ဓာကိုယ်နဲ့ စိတ်ကျန်းမာရေးအတွက် မဖြစ်မနေ လိုအပ်ပါတယ်။ အီစထရိုဂျင်က ခန္ဓာကိုယ်ထဲမှာ အမျိုးသမီးဝိသေသလက္ခဏာတွေကို ထိန်းသိမ်းဖို့နဲ့ ဖွံ့ဖြိုးစေဖို့ တာဝန်ရှိသော လိင်ဟော်မုန်းဖြစ်ပါတယ်။ ဒီဟော်မုန်းက မျိုးပွားပြီးနောက် သန္ဓေသားအတွက် ကျန်းမာသော ပတ်ဝန်းကျင်တစ်ခုကို ပံ့ပိုးပေးပြီး အမျိုးသမီးတွေအား ရာသီလာခြင်းသံသရာကို ကျော်လွှားဖြတ်သန်းနိုင်အောင် ကူညီပေးပါတယ်။ အီစထရိုဂျင် ဟော်မုန်းမညီမျှမှုက အမျိုးသမီးတွေကို အားနည်းစေတဲ့ သက်ရောက်မှု ရှိနိုင်ပါတယ်။ ဒါ့ကြောင့် ပျိုမေတို့အတွက် အီစထရိုဂျင် မညီမျှမှုရဲ့ အကြောင်းရင်းတွေနဲ့ တားဆီးဖို့ ကူညီမယ့် အစားအစာတွေကို ဒီဆောင်းပါးလေးကနေ ဖော်ပြပေးလိုက်ပါတယ်။

” Estrogen မမျှတရတဲ့ အကြောင်းရင်းများ”

လေ့လာမှုတစ်ခုအရ ကမ္ဘာတစ်ဝှမ်းလုံးမှာရှိတဲ့ ၈၀ရာခိုင်နှုန်းသော အမျိုးသမီးတွေဟာ အီစထရိုဂျင် မညီမျှမှုကို ခံစားကြရပါတယ်။ စိတ်ဖိစီးမှု၊ နေမကောင်းခြင်း၊ ကျန်းမာရေးနဲ့ မညီညွတ်တဲ့ စားသောက်ပုံအလေ့အထ၊ အိပ်ရေးမဝခြင်း၊ ကော်တီဇုန် အဆင့်မြင့်မားခြင်းနှင့် ပျိုဖော်ဝင်ခြင်းအဆင့်၊ သွေးဆုံးခြင်းအဆင့်တွေဟာ အမျိုးသမီးတွေမှာ အီစထိုဂျင် မညီမျှရတဲ့ အဓိကအကြောင်းရင်းတွေ ဖြစ်ပါတယ်။

” Estrogen မညီမျှမှုရဲ့ ဆိုးကျိုးများ”

ခန္ဓာကိုယ်ကို တိုက်ရိုက်သက်ရောက်စေတဲ့ Estrogen မညီမျှမှုက ကိုယ်အလေးချိန်တတ်ခြင်း၊ ပင်ပန်းနွမ်းနယ်ခြင်း၊ ဆံပင်ပါးခြင်း၊ မျိုးပွားနှုန်းကျဆင်းခြင်း ၊ နှင့် အချိန်မီကုသမှု မခံယူရင် မျိုးမပွားနိုင်ခြင်းကိုတောင် ဖြစ်စေပါတယ်။ ထို့အပြင် အမျိုးသမီးတွေဟာ ခေါင်းတစ်ခြမ်းကိုက်ခြင်း၊ ရင်သားနာကျင်ခြင်းနှင့် လိင်စိတ်လျော့နည်းခြင်းတို့ကို ခံစားရနိုင်ပါတယ်။ ဒီဟော်မုန်းမညိမျှမှုက လစဉ်ရာသီစက်ဝန်းကို ပျက်စီးစေနိုင်ပါပြီး အသက် ၄၅နှစ်မှ ၅၄နှစ်အကြား အမျိုးသမီးတွေမှာ ဖြစ်တတ်ပါတယ်။ သတင်းကောင်းကတော့ ကျန်းမာသော အစားအစာတွေကို စားသုံးခြင်းဖြင့် အီစထရိုဂျင်မညီမျှမှုကို ထိန်းချုပ်နိုင်ပါတယ်။

၁။ ထောပတ်သီး

ထောပတ်သီးမှာ ပိုတတ်စီယမ်၊ သွပ်၊ monounsaturated အဆီ၊ ဖောလိတ်နှင့် အစားအသောက်ဖိုင်ဘာတို့ပါဝင်ပါတယ်၊ ထောပတ်သီးမှာ ဗီတာမင်များပါတယ်။ သူတို့က ဗီတာမင် B5, B6, C, E, နဲ့ K ကိုပေးစွမ်းပါတယ် ထောပတ်သီးတစ်ခြမ်းကို နေ့တိုင်းစားပေးပါ။ ကိုယ်ခန္ဓာအတွင်းရှိ အီစရိုဂျင်ထုတ်လွှတ်မှုကို ခံစားရပါလိမ့်မယ်၊ ထောပတ်သီးက ကိုယ်ခန္ဓာအတွင်းရှိ အီစထရိုဂျင် အဆင့်ကို ထိန်းညှိပေးပြီး အရေပြားကို တောက်ပကျန်းမာစေပါတယ်။

၂။ အစိမ်းရောင် အသီးအရွက်များ

ဟင်းနုနွယ်၊ ကိုက်လံ၊ ဘရိုကိုလီကဲ့သို့သော အရွက်တွေမှာ ဇင့်၊ မဂ္ဂနိစ်၊ ကယ်လ်စီယမ်၊ သံ နှင့်အင်တီအောက်ဆီဒင့်တွေ ကြွယ်ဝပါတယ်။ သူတို့က ဗိုက်ပွခြင်း၊ ရာသီလာစဉ်ဗိုက်အောင့်ခြင်းနှင့် စိတ်အပြောင်းအလဲတွေကို ထိရောက်စွာ တားဆီးပေးပါတယ်။ အီစထရိုဂျင် ဇီဝကမ္မဖြစ်ပျက်မှုမှာ ကောင်းသော အစိမ်းရောင် ဟင်းသီးဟင်းရွက်တွေက ဟော်မုန်းပမာဏကိုလည်း ထိန်းညှိပေးပါတယ်။

၃။ အခွံမာသီး

almonds နဲ့ walnuts ကဲ့သို့သော အခွံမာသီးတွေကို စားသုံးခြင်းက ကိုယ်ခန္ဓာအတွင်း အီစထရိုဂျင် မညီမျှမှုကို ထိရောက်စွာ ပစ်မှတ်ထားနိုင်ပါတယ်။ ပရိုတိန်းများ၊ အင်တီအောက်ဆီဒင့်များနဲ့ omega-3 မြင့်မားတာကြောင့် အခွံမာသီးကို နေ့တိုင်းစားပေးနိုင်ပါတယ်။ သူတို့က ခန္ဓာကိုယ်ထဲရှိ အီစထိုဂျင်ထွက်ရှိမှုတွေကို ဟန်ချက်ညီအောင်ထိန်းထားနိုင်ပါတယ်။ အခွံမာသီးက ဝက်ခြံထွက်ခြင်း၊ စိတ်ဓါတ်ကျခြင်း၊ စိုးရိမ်ပူပန်မှုနှင့် စိတ်အပြောင်းအလဲတွေကဲ့သို့သော ဟော်မုန်းမညီမျှမှုရဲ့ ဆိုးကျိုးတွေကိုလည်း ကူညီဖြေရှင်းပေးပါတယ်။

၄။ ဥများ

ကြက်ဥအနှစ်က မကောင်းသော ကိုလက်စထရော LDL အစား ခန္ဓာကိုယ်ထဲမှာ HDL ကိုလက်စထရောကို တိုးစေတာကြောင့် ကျန်းမာရေးအကြောင်းပြချက်တစ်ခုကြောင့် ကြက်ဥအနှစ်ကို ရှောင်တာက နားလည်မှုလွဲခြင်း ဖြစ်ပါတယ်။ ကြက်ဥတွေက ကျန်းမာသော reproductive ခန္ဓာကိုယ်ကို ထိန်းသိမ်းရာမှာ အထောက်အကူပေးရုံသာမက ခန္ဓာကိုယ်ထဲမှာရှိတဲ့ estrogen ပမာဏကိုလည်း ထုတ်ပေးပါတယ်။ ဒီဗီတာမင်ကြွယ်ဝသော စူပါအစားအစာက မလိုအပ်သော အဆိပ်တွေကို ခန္ဓာကိုယ်မှ ဖယ်ရှားခြင်းဖြင့် အသားအရေကို အတွင်းအပြင် သန့်ရှင်းစေပါတယ်။ အများဆုံးအကျိုးကျေးဇူးအတွက် နေ့စဉ်သုံးလုံးအထိ စားနိုင်ပါတယ်။

၅။ သစ်သီးများ

အီစထရိုဂျင် ပမာဏကို ထိန်းချုပ်ပေးတဲ့ အစားအစာစာရင်းတစ်ခုမှာ အသီးတွေမပါရင် မပြည့်စုံပါဘူး။ သစ်သီးတွေက အထူးသဖြင့် ပန်းငရုတ်ပွနှင့် ခရမ်းချဉ်သီးတွေမှာ အင်တီအောက်ဆီဒင့်နှင့် ဗီတာမင်စီ ကြွယ်ဝပါတယ်။ အသီးတွေက ခန္ဓာကိုယ်ရဲ့ ပိုလျှံသော Estrogen ကို ထုတ်လွှတ်ပေးရုံသာမက Estrogen မလုံလောက်ရင် Estrogen ပမာဏကိုပါ တိုးပွားစေပါတယ်။ သစ်သီးတွေကို ပုံမှန်စားသုံးခြင်းက သင့်ကျန်းမာရေး၊ ကြံ့ခိုင်မှုနှင့် ဟော်မုန်းတွေကို မပျက်စီးစေဖို့ သေချာစေပါတယ်။

အလုပ်များကြတာကြောင့် ကျွန်မတို့ဟာ သင့်တော်တဲ့ စားသောက်မှုပုံစံကို ထိန်းသိမ်းနိုင်စွမ်းမရှိပါဘူး။ အိပ်ချိန်မပြည့်ပါဘူး။ ဒီအရာအားလုံးက ကိုယ်ခန္ဓာအတွင်းရှိ Estrogen မမျှတမှုကို ထောက်ကူနိုင်ပါတယ်။ ဒါ့ကြောင့် အီစထရိုဂျင် မညီမျှကို ချေဖျက်ဖို့ ကျန်းမာသော လူနေမှုပုံစံကို ဦးတည်ရပါမယ်။