သူငယ်ချင်းခင်မင်မှုဟာဘဝအတွက် အရေးပါတဲ့ အစိတ်အပိုင်းတစ်ခု ဖြစ်ပါတယ်။ သူငယ်ချင်းလို့ ဆိုလိုက်တာနဲ့ အခြားသူတွေထက် ကိုယ့်အပေါ်ကို ပိုကောင်းသူဖြစ်ကောင်း အလိုလျှောက် နားလည်ပြီးသား ဖြစ်ပြီး ခင်မင်မှုတိုင်းဟာလည်း အစစ်အမှန်လား အတုအယောင်လားဆိုတာဟာလည်း တခါတရံ ခွဲခြားဖို့ခက်ခဲနိုင်ပါတယ်။ သူငယ်ချင်းကောင်းတွေဟာ သင့်ဖက်မှာအမြဲတမ်း ရှိနေမှာဖြစ်ပြီး ဟန်ဆောင်မှုတွေ လှို့ဝှက်ချက်တွေ ထားမှာမဟုတ်ပါဘူး။ဘယ်လိုသူငယ်ချင်းမျိုးတွေက ကိုယ်တွေအတွက် ထာဝရသူငယ်ချင်း အဖြစ်ပေါင်းသင်းလို့ရနိုင်ပြီး ဘယ်လိုစိတ်ဓါတ်မကောင်းတဲ့ အယောင်ဆောင်သူငယ်ချင်းတွေကို ရှောင်ရှားရမလဲဆိုတာ အောက်ပါပုံတွေက သက်သေပြနေပါတယ်။
၁။ မနာလိုတတ်သူ
ကျွန်တော်တို့ငယ်ငယ်တည်းက မိဘတွေနဲ့ ဆရာ၊ ဆရာမတွေဟာ ကလေးတွေကို အတန်းဖော်အချင်းချင်း ပြိုင်ဆိုင်ဖို့ကိုသာ တိုက်တွန်းတတ်ကြပါတယ်။ ငယ်ငယ်တည်းက ယခုလိုစိတ်ထားတွေကြောင့် တစ်ယောက်နဲ့ပြိုင်ဆိုင်လိုစိတ်များကြပြီး မနာလိုမှုတွေပါ ဖြစ်လာစေပါတယ်။ ပြိုင်ဆိုင်မှုဟာ မှန်ကန်တဲ့အရာဖြစ်သော်လည်း အခြားသူနဲ့လိုက်လံပြိုင်ဆိုင်ခြင်းထက် မိမိကိုယ်ကိုယ်နဲ့သာ ပြိုင်ဆိုင်ခြင်းက ပိုမိုတိုးတက်စေနိုင်ပါတယ်။ မိမိတို့ရဲ့သားသမီးတွေကို သူငယ်ချင်းကောင်းပီသသူတွေ ဖြစ်စေဖို့အတွက် မနာလိုစိတ်မရှိအောင် သင်ကြားပေးရပါမယ်။
၂။ သင့်ရဲ့လှို့ဝှက်ချက်တွေကို ထိန်းသိမ်းပေးတယ်
သင့်ရဲ့အားနည်းချက်တွေ အမှားတွေနဲ့ လှို့ဝှက်ချက်တွေကို အခြားသူတွေအား လိုက်လံပြီး အတင်းပြောတတ်ခြင်း မရှိသူဟာ သင့်ရဲ့သူငယ်ချင်းကောင်းပဲ ဖြစ်ပါတယ်။ မကောင်းတဲ့သူငယ်ချင်းတွေကတော့ သင့်ရဲ့အားနည်းချက်တွေ၊ လှို့ဝှက်ချက်တွေကို လိုက်လံအထုပ်ဖြေဖို့ ဝန်လေးမှာမဟုတ်ပါဘူး။ သူငယ်ချင်းအစစ်ကတော့ သင့်ရဲ့ယုံကြည်မှုနဲ့ တန်ဖိုးကို တန်ဖိုးထားတာကြောင့် အခြားသူတွေကိုသင့်မကောင်းကြောင်း တွေ လိုက်ပြောနေမှာ မဟုတ်ပါဘူး။
၃။ သင့်အပေါ်မကောင်မြင်တတ်တယ်
သင့်ရဲ့အသွင်အပြင်၊ ရုပ်ရည်အပေါ်ကို အမြဲတမ်းအာရုံစိုက်ပြီး တန်ဖိုးဖြတ်ပေါင်းသင်းသူဟာ သင့်အတွက် သူငယ်ချင်းကောင်းမဟုတ်ပါဘူး။ တကယ်လို့သင်အဝတ်အစားဟောင်းတွေ ဝတ်ထားတဲ့အခါ၊ ရေမချိုးရသေးတဲ့အခါတွေမှာ သင်နဲ့အတူတူအပြင်ထွက်ဖို့အတွက် သူတို့တွေဝန်လေးတတ်ပါတယ်။ ဒါကြောင့် အမြဲတမ်းသင့်ရဲ့အသွင်အပြင်ကို ဝေဖန်နေပါလိမ့်မယ်။ တကယ်ခင်မင်တဲ့သူငယ်ချင်းက သင်ချောလား မချောလား ဆိုတာကိုတောင် သတိမထားမိအောင် သင့်ကိုခင်မင်တတ်တာကြောင့် တခါတလေ သင့်ကို စချင်စပါလိမ့်မယ်။ ဒါပေမယ့် သင်နဲ့ပဲအတူတူသွားချင်နေတာပါ။
၎။ သင်နဲ့ပတ်သတ်တာတွေကို လက်ခံတယ်
သင့်ကိုတကယ်ခင်တဲ့ သူငယ်ချင်းဟာ သင့်ရဲ့မိသားစု၊ အခြားသူငယ်ချင်းတွေနဲ့ပါ အဆင်ပြေပြေနဲ့ ခင်မင်အောင် အလိုက်သင့်နေထိုင်တတ်ပါတယ်။ သူတို့ဟာသင်နဲ့ပတ်သတ်ရင် လိုက်လျောညီထွေ ရှိတတ်သူတွေပါ။
၅။ သင့်ရဲ့သဘောထားတွေကို နားလည်ပေးတယ်
လူတိုင်းမှာ ကိုယ်ပိုင်အတွေးနဲ့ ကိုယ်ပိုင်လုပ်ပိုင်ခွင့်တွေ ရှိကြောင်း သူတို့ကနားလည်ကြပါတယ်။ ဒါကြောင့် သင့်ရဲ့သဘောထားတွေကို နားလည်ပေးပြီး မတူညီတာတွေကို ညှိနှိုင်းဖို့ကြိုးစားကြပါလိမ့်မယ်။ အတုအယောင်သူငယ်ချင်းကတော့ သင့်ကိုထိန်းချုပ်နိုင်ဖို့နဲ့ သူ့သဘောအတိုင်းဖြစ်စေဖို့သာ အားထုတ်တတ်ကြပါတယ်။
၆။ သင့်အတွက် ဒုက္ခတွေမဖြစ်စေဘူး
တချို့သူတွေက ခင်မင်မှုကို အခွင့်ကောင်းယူပြီး အမြတ်ထုတ်ဖို့ အမြဲကြိုးစားနေတတ်ကြပါတယ်။ ဒါကြောင့် သူတို့အဆင်ပြေနေတဲ့အချိန်မှာ ပျောက်နေတတ်ကြပြီး သင့်ဆီကအကူအညီလိုတဲ့အချိန်မှာတော့ ပြန်ပေါ်လာပြီးနောက် သင့်ကိုမရမကဆက်သွယ်ဖို့ ကြိုးစားတတ်ကြပါတယ်။
၇။သံသယတွေမရှိဘူး
သံသယဟာ ဘယ်လို Relationship အတွက်မှ မကောင်းပါဘူး။ သင်ကဘယ်လောက်ပဲ ရိုးသားစွာပြောပါစေ အမြဲသံသယဝင်နေပြီးတော့ စစ်ဆေးနေတတ်ရင် သို့မဟုတ် ယုံကြည်မှုမရှိခင် သင့်အတွက်သူငယ်ချင်းကောင်း မဖြစ်ထိုက်ပါဘူး။
၈။ အနိုင်မယူတတ်ဖူး
သူငယ်ချင်းအချင်းချင်းလည်း တခါတလေမှာ စိတ်ကူးတွေ၊ အတွေးအခေါ်တွေ မတူညီတာကြောင့် ကတောက်ကဆဖြစ်စေနိုင်ပြီး စိတ်ဆိုးစိတ်ကောက်တာတွေ ဖြစ်လေ့ရှိပါတယ်။ ဒါပေမယ့် ဘယ်လိုမတူတာတွေပဲရှိရှိ နာရီပိုင်းအတွင်း ခွင့်လွှတ်တတ်ကြပါတယ်။ ဒါပေမယ့် အမြဲတမ်းပဲသင့်အပေါ် အနိုင်ယူဖို့ အားထုတ်ပြီး သင့်ရဲ့တောင်းပန်မှု၊ ရှုံးနိမ့်မှုကို လိုချင်နေရင်တော့ သင့်ရဲ့သူငယ်ချင်းကောင်း မဟုတ်ပါဘူး။
၉။ သင့်ကို စိတ်မဆိုးတတ်ဖူး
ဘယ်လောက်စစ စိတ်မဆိုးတတ်တဲ့ သူငယ်ချင်းတွေ သင့်မှာရှိလား။ တကယ့်ကိုစိတ်ထဲကခင်မင်မှုဟာ အမှားတွေကိုတောင် နားလည်ပေးနိုင်ပါတယ်။ ဒါပေမယ့် သင်ကတစုံတရာအမှားလေးကျူးလွန်ရင်တောင်မှ သည်းမခံတတ်ပဲ အလွယ်တကူစိတ်ဆိုးတတ်ရင်တော့ သူငယ်ချင်းကောင်းအဖြစ် ပေါင်းသင်းလို့ရမှာ မဟုတ်ပါဘူး။
၁၀။ သင့်ရဲ့ကိုယ်ပိုင်လွတ်လပ်ခွင့်ကို တန်ဖိုးထားတယ်
တခါတလေမှာ တစ်ယောက်တည်းအပန်းဖြေဖို့အတွက် လူတိုင်းလိုအပ်မှာပါ။ ဒါပေမယ့် မကောင်းတဲ့သူငယ်ချင်းကတော့ ဒါတွေနားမလည်ပါဘူး။ သင့်ရဲ့အချိန်တွေကို အမြဲတမ်းသိမ်းပိုက်ဖို့ ကြိုးစားနေတတ်ပြီး သင့်ဖက်က personal ကိစ္စတွေရှိရင်တောင်မှ သူ့အတွက်အကြောင်းပြချက်တစ်ခုလို သတ်မှတ်တတ်ပြီး အမြဲတမ်းပဲ သူ့ကိုပဲအဖော်လုပ်ခိုင်းဖို့ လိုအပ်နေတတ်ပါတယ်။
#LM_Naung_Naung
#Lifestyle_Myanmar
photo-Bright Side
ကိုယ့်ရဲ့ BFF လေးက ကိုယ့်ကို Crush နေကြောင်းရိပ်မိနိုင်မယ့် အချက် (၉) ချက်
