၂မိနစ်အတွင်း သင့်ခန္ဓာကိုယ်ကို ပါးလျစေပြီး ကြည့်ကောင်းစေမယ့် နည်းလမ်းလေးတွေ

0
67

ပြီးပြည့်စုံတဲ့ အသွင်သဏ္ဍာန် ကိုယ့်ကိုယ်ကို ထိန်းသိမ်းဖို့ဆိုတာ အမြဲတမ်းတော့ မဖြစ်နိုင်ပါဘူး။ မိန်းကလေးတို့ သဘာဝအတိုင်း ၀နေတဲ့အခါ ပိန်ချင်ပေမယ့် အစား၊ အအိပ်မလျော့နိုင်ဘူးလေ။ ဒါပေမယ့် အရေးပေါ်အခြေအနေမှာ ကြည့်ကောင်းနေစေဖို့ လိုအပ်လာတဲ့အခါ အဲဒီလိုလုပ်ဖို့ မိနစ်အနညး်ငယ်သာ လိုအပ်ပါတယ်။ ဒါ့ကြောင့် ပွဲအခမ်းအနားတွေသွားတဲ့အခါ သင့်ကို သွယ်လျကြည့်ကောင်းနေစေမယ့် နည်းလမ်းလေးတွေကို ဖော်ပြပေးလိုက်ပါတယ်။

၁။အဆင်ပြေမယ့် ဖိနပ်ကိုရွေးချယ်ပါ
သင့်ခြေထောက်များကို ရှည်သွယ်စေပြီး သင့်ခန္ဓာကိုယ်ကို ပါးလျစေဖို့ သင့်အသားအရောင်နဲ့ ဆင်တူဖြစ်တဲ့ဖိနပ်ကို ၀တ်ဆင်သင့်ပါတယ်။

အဝါနုရောင်၊ အသားရောင်၊ အညိုရောင် တို့က သင့်ခြေထောက်အရောင်နှင့် အနီးစပ်ဆုံးဖြစ်ပြီး သူတို့ရဲ့အသွင်အပြင်ကို ရှည်သွယ်စေပါလိမ့်မယ်။ သင်သည် စတော်ကင်သားလို ဘောင်းဘီအကျပ် ၀တ်လျှင် သင်ဝတ်ဆင်တာနဲ့လိုက်ဖက်တဲ့ ဖိနပ်အရောင်တူ ရွေးချယ်ပါ။ ဒီလှည့်ကွက်က အမြင်အာရုံမှာ သင့်ခြေထောက်တွေကို လက်မအနည်းငယ်ပိုရှည်သယောင်ဖြစ်စေပြီး သင့်ခြေထောက်ကို ရှည်ရှည်သွယ်သွယ်ဖြစ်စေပါတယ်။ ကြိုးသိုင်းဖိနပ်များက အမှန်တကယ်ရှိတာထက် ပိုပြီးတိုတောင်းသယောင်ဖြစ်စေတာကြောင့် ထိုဖိနပ်များမဝတ်ဆင်သင့်ပါဘူး။

၂။ သေးငယ်လွန်း၊ ကြီးလွန်းတဲ့ အဝတ်တွေကို ဖယ်ရှားဖို့

သေးငယ်လွန်း၊ အရွယ်အစားပိုကြီးလွန်းတဲ့ အရာများကို မဝယ်ပါနဲ့။ ထိုသို့သော အဝတ်တွေက သင့်အားနညး်ချက်ကို ဖော်ပြနေပါလိမ့်မယ်။ သင့်ရဲ့ဝတ်စုံက ကွက်တိဖြစ်နေသင့်ပါတယ်။ ဒါမှသာ သင်ဝနေလျှင်တောင် ဖုံးကွယ်ပေးပြီး ကြည့်ကောင်းစေမှာပါ။

၃။ နောက်ကျောကို အမြဲတမ်းဖြောင့်ဖြောင့်ထားပါ။

ကိုယ်နေဟန်ထားကြည့်ကောင်းမှုက ခါးကိုလည်း သေးငယ်သယောင်ဖြစ်စေပြီးအမျိုးသမီးတိုင်းကို ကျော့ရှင်းစေနိုင်ပါတယ်။ ခွေခေါက်နေခြင်းက အလေ့အကျင့်ဆိုးတစ်ခုဖြစ်ပြီး သင့်ကိုအရပ်ပုစေယုံသာမက ကျန်းမာရေးပြဿနာများကိုလည်း ဖြစ်စေနိုင်ပါတယ်။ ဒါကိုရှောင်ကြဉ်ဖို့ အမြဲတမ်းသင့်ကျောကုန်းကို ဖြောင့်ဖြောင့်ထားသင့်ပြီး သင့်တင်ပါးကို နည်းနည်းတောင့်ထားသင့်ပါတယ်။

၄။မိတ်ကပ်လိမ်းတဲ့အခါ အခြေခံကောက်ကြောင်း နည်းစနစ်ကို လေ့လာပါ

ကောက်ကြောင်းက သင့်မျက်နှာကို ပိုသွယ်သွားစေပြီး မေးနှစ်ထပ်ကိုတောင် ဖုံးကွယ်ပေးနိုင်ပါတယ်။ အရင့်နှင့်အနုကို မှန်ကန်စွာ ဘယ်လို သုံးရမလဲဆိုတာ လေ့လာဖို့ လိုအပ်ပါတယ်။ အဓိကသော့ချက်ကတော့ သင်ဖုံးကွယ်ချင်တဲ့အရာတွေကို အရင့်သုံးပြီး သင်မြင်သာစေချင်တဲ့အရာများကို အရောင်ဖျော့ဖျော့ သုံးခြင်းဖြစ်ပါတယ်။
ပထမဆုံး highlighter တစ်ခုအသုံးပြုပြီး ပြီးမှအရောင်ရင့်ကိုလိမ်းပါ။ အနားသတ်များကို မမြင်ရသင့်ဘူးဆိုတာ မမေ့ပါနဲ့။ ကူရှင်ကဲ့သို့ တောက်ပတဲ့ မိတ်ကပ်ကိုလိမ်းပါ။ ဥပမာအားဖြင့် အနီရောင်နှုတ်ခမ်းနီသည် မေးစေ့နှင့် မေးရိုးလိုင်းများကို ဟိုက်လိုက်လုပ်ပေးပါတယ်။

၅။ မှန်ကန်တဲ့ ပိတ်ထည်ကို ရွေးချယ်ပါ

အသားကြမ်းတဲ့ အဝတ်အထည်တွေက အရမ်းကြပ်စေတာကြောင့် ကြမ်းတမ်းတဲ့ ပစ္စည်းများနှင့် လုပ်ထားတဲ့ အဝတ်များကို မဝယ်ပါနဲ့။ စတုရန်းပုံသဏ္ဍာန်နှင့် ထောင့်ချွန်းများတဲ့ လိုင်းများပါသော အဝတ်အထည်များကိုရှောင်ပါ။ ဘယ်အပြစ်အနာအဆာမဆို ဖုံးအုပ်ဖို့ အသားချောပြီး
ပျော့ပြောင်းတဲ့ ပိတ်ထည်များနှင့် ပြုလုပ်ထားသော အဝတ်များကိုသာ ရွေးချယ်ပါ။

၆။ မှန်ကန်တဲ့ accessories ကို ရွေးယူပါ

လည်ပင်းခေါက်ဆွယ်တာတွေ၊ လည်ပိတ်ကျပ်ကျပ်များက သင့်ရဲ့ပုံရိိပ်အလုံးစုံကို ၀န်ဖြစ်စေပါတယ်။ အဝို်င်းသို့မဟုတ် ဗီပုံသဏ္ဍာန်လည်ပင်းပေါက်များက အကောင်းဆုံးရွေးချယ်မှု ဖြစ်ပါတယ်။ ဒါ့အပြင် လည်ပင်းအနားက ကြယ်သီး ၂လုံး ၃လုံးကို ဖြုတ်ထားခဲ့ပါ။
ထုထည်မကြီးမားတဲ့ ဆွဲကြိုးရှည်တွေနှင့် အပွင့်သေးသေးနားကပ်တွေက သင့်လည်ပင်းကို ရှည်သွယ်စေတာကြောင့် သင့်ပုံရိပ်ကိုလည်း ပြည့်စုံစေပါလိမ့်မယ်။

၇။ သင့်ရဲ့အဓိကပြဿနာနေရာတွေကို မထင်ရှားစေပါနဲ့

တခါတရံမှာ မိန်းကလေးတွေက အဓိကပြဿနာတစ်ခုကို အလွန်အကျွံ ဖုံးကွယ်ခြင်းဖြင့် ဖုံးအုပ်ဖို့ ကြိုးစားကြပါတယ်။( ဥပမာ- ဗိုက်ပူနေတာကို ထမီစကပ်ကျပ်ကျပ်ဝတ်တဲ့အခါ ပိုသိသာခြင်း) ဆန့်ကျင်ဘက်အနေဖြင့် အဲ့ဒီနေရာကိုပဲ အာရုံရောက်အောင်ပြုလုပ်သလို ဖြစ်နေပါတယ်။ ဥပမာ သင့်တင်ပါးကို မကြည့်စေချင်ဘူးဆိုလျှင် အိပ်ကပ်အကြီးတွေပါတဲ့ ဂျင်းပင်တွေ၊ သရုပ်ဖော်ပုံတွေပါတဲ့ အဝတ်အစားတွေကို မ၀တ်ပါနဲ့။

၈။ ဆံပင်ညှပ်သမားနှင့် တိုင်ပင်ပါ

ဆံပင်အုံထူတဲ့ ဆံပင်ပုံစံများက သင့်ကိုကြည့်ရင် မညီမျှမှုကို ယူဆောင်ပေးနိုင်ပါတယ်။ ဆံပင်အရှည်အနေတော်ပုံစံနှင့် ပခုံးအထိ bobs ဆံပင်ပုံစံတွေက သင့်ကို လိုက်ဖက်စေပါတယ်။ ဆံပင်အတိုပုံစံက သင့်ရဲ့လည်ပင်းကို ဆံပင်အောက်မှာ ၀ှက်ထားပေးတဲ့အခါ ကြည့်ကောင်းစေပါတယ်။ နားရွက်အနားက ဆံပင်က နည်းနည်းရှည်ရပါမယ်။ နည်းနည်းဖန်တီးမှုလွန်းတဲ့ ဆံပင်ပုံစံကို ရှောင်ကြဉ်ဖို့ အကြံပြုပါတယ်။
ရှည်လျားဖြောင့်စင်းတဲ့ ဆံပင်တွေက အများအားဖြင့် ပြည့်ဖြိုးတဲ့ မိန်းကလေးများနှင့် မလိုက်ဖက်ပါဘူး။ ဆံပင်ပုံစံက အဓိကပြဿနာနေရာတွေကို အလေးပေးသကဲ့သို့ဖြစ်စေပါတယ်။ သင့်ဆံပင်ရှည်ကို မစွန့်လွတ်နိုင်လျှင် စတတ်ပုံစံ အရှေ့ပုခုံးအထက်ကိုအနည်းငယ်ညှပ်ဖို့ ကြိုး
စားသင့်ပါတယ်။

၉။ Shapewear သုံးပါ
Shapewear က သင့်ကို ပါးလျသယောင်ထင်ရစေပြီး အမျိုးသမီးတွေအတွက် fitဖြစ်စေပါတယ်။ အဆီပိုတွေရှိတဲ့ အမျိုးသမီးတွေအတွက်သာမက တင်ပါးဧရိယာနှင့် ၀မ်းဗိုက်မှာ ဗိုက်ခေါက်ထွက်ခြင်း၊ cellulite ဖုံးကွယ်ချင်တဲ့အမျိုးသမီးတွေအတွက်လည်း ကူညီပေးပါတယ်။ ဒါ
ပေမယ့် ပွဲလမ်းသဘင်များအတွက်သာ shapewear ကိုအသုံးပြုသင့်ပြီး အမြဲတမ်း ခဏခဏ မဝတ်ဆင်သင့်ပါဘူး။

Lifestyle_Myanmar

LM_Nandar

Source-brightside

LEAVE A REPLY

Please enter your comment!
Please enter your name here