အနှိပ်ခံပြီးသလို ခံစားရစေမယ့် နောက်ကျော လေ့ကျင့်ခန်း ၅ခု

0
100

အထိုင်များတဲ့ အလုပ်တွေဟာ ကျွနု်ပ်တို့ရဲ့ ကျောကို အန္တရာယ်ဖြစ်နိုင်တယ်ဆိုတာ အားလုံးသိကြပါတယ်။ သက်တောင့်သက်သာမဖြစ်ခြင်း၊ နာကျင်မှုနှင့် ကြွက်သားကြွက်တတ်တာက ကျွနု်ပ်တို့ရဲ့ကိုယ်ဟန်အနေအထားကို ပိုမိုဆိုးရွားစေခြင်းနှင့် ကျွန်ုပ်တို့ရဲ့တစ်နေ့တာကို နေရတာအဆင်မပြေဖြစ်စေပါတယ်။ အထိုင်များလို့ ညောင်းညာမှုခံစားရတဲ့အခါ အနှိပ်ခံဖို့ အချိန်မရှိဘူးဆိုလျှင် ဒီထိရောက်တဲ့ အကြောဆန့်လေ့ကျင့်ခန်း ၅ခုက အသုံးဝင်ပါလိမ့်မယ်။ လေ့ကျင့်ခန်းအတွက် နေရာလား? သင့်ရုံးခန်းကုလားထိုင်မှာပဲ ပြုလုပ်နိုင်ပါတယ်။

-Advertisement-

1. Butterfly wings

လည်ပင်းအရိုး၊ ကျောရိုးကိုယ်ဟန်အနေအထားကို တည့်မတ်ခြင်းနှင့် သွေးလည်ပတ်မှုစနစ်ကို တိုးတတ်စေခြင်း။

စတင်ရမယ့် အနေအထား။ ကျောကုန်းကို ဖြောင့်ဖြောင့်ထားပြီး ကုလားထိုင်၏အစွန်းပေါ်မှာ ထိုင်ပါ။ ကြမ်းပြင်ပေါ်က ခြေထောက်တွေကို ပုခုံးအကျယ်အတိုင်း ခွာထားပါ။

ဒီလေ့ကျင့်ခန်းက ယောဂPose တွေအတော်များများကို ပေါင်းစပ်ထားတာပါ။ သင့်တံတောင်ဆစ်ကို ကွေးပြီး လက်နှစ်ဖက်လုံးကို ခေါင်းနောက်မှာ ထားတဲ့အနေအထားနှင့် သင့်လက်မောင်းတွေကို လည်ပင်းနောက်မှာ ချိတ်ထားတဲ့အနေအထားဖြစ်ပါတယ်။ ပထမဆုံး အသက်ရှုသွင်းရင်း သင့်ရဲ့တံတောင်ဆစ်ကွေးကို ဝေးနိုင်သမျှ ဝေးတဲ့အထိ နောက်သို့ တွန်းဖို့ ကြိုးစားပါ။ ပြီးနောက် အသက်ရှုထုတ်ရင်း သင့်တံတောင်ဆစ်ကွေးကို ရင်ဘက်ရှေ့သို့ ဖြည်းဖြည်းချင်း ဆွဲယူလိုက်ပါ။ လိပ်ပြာအတောင်ပံဖြန့်သလိုပါပဲ။ သင့်ကြွက်သားတွေ ဆန့်သွားသလို ခံစားရပြီး အကြောပြေသွားပါလိမ့်မယ်။ ဒါပေမယ့် လုပ်နေစဉ်အတွင်း နာကျင်မှုခံစားရလျှင် ရပ်တန့်သင့့်ပါတယ်။ ထပ်တလဲလဲ ၅ကြိမ် လုပ်ပေးပါ။

2. Cat cow

ကျောကုန်းအောက်ပိုင်း နာကျင်မှုကို သက်သာစေပြီး ခါးပိုင်းအရိုးတွေရဲ့အနေအထားကို ပြင်ပေးပါတယ်။

စတင်ရမယ့်အနေအထား။ ကျောကုန်းကို ဖြောင့်ဖြောင့်ထားပြီး ကုလားထိုင်ပေါ်မှာထိုင်ပါ။ လက်နှစ်ဖက်ကို ဒူးတွေပေါ်ကို တင်ထားပါ။
ကျောကိုကော့ ရင်ကိုဆန့်ပြီး ညင်သာစွာ အသက်ရှုသွင်းပါ။ ပခုံးရိုးတွေကို ထိတဲ့အထိ ပြုလုပ်ဖို့ ကြိုးစားပါ။ ဒါပေမယ့် ပုခုံးတွေကို မ မတင်ရပါဘူး။ အသက်ရှုထုတ်ရင်း သင့်လည်ပင်းကို ရင်ဘက်ရှေ့သို့ ကွေးပြီး ခန္ဓာကိုယ်အပေါ်ပိုင်းကို ဖြေလျော့ပေးပါ။ ထပ်ခါတလဲလဲ ၈ကြိမ်လောက်ပြုလုပ်ပါ။

3.Chair twist

နောက်ကျောအောက်ပိုင်း နာကျင်မှုကို သက်သာစေပြီး အစာခြေစနစ်ကို တိုးတတ်စေပါတယ်။

စတင်ရမယ့်အနေအထား။ ကြမ်းပြင်ပေါ်မှာ ခြေထောက်တွေနဲ့ ကျောကုန်းကို ဖြောင့်ဖြောင့်ထားပြီး ထိုင်ခုံပေါ်မှာထိုင်ပါ။
သင့်ကျောရိုးကို ဖြောင့်ဖြောင့်ထားပြီး အသက်ရှုပါ။ အသက်ရှုှုထုတ်ရင်း ထိုင်နေရင်းအနေအထားအတိုင်း ကုလားထိုင်ရဲ့ကျောဘက်ဆီသို့ ခန္ဓာကိုယ်အပေါ်ပို်င်းကိုလှည့်ပေးပါ။ ကုလားထိုင်ပေါ်မှာ သင့်လက်တွေကို တင်ထားပါ။ ဒီအနေအထားအတိုင်း စက္ကန့် 30လောက်နေပြီး အသက်ပြင်းပြင်း ၅ခါရှုပေးပါ။ ပြီးမှ အနေအထားကို ပြောင်းလဲပါ။ တစ်ဖက်စီကို ၃ကြိမ်လုပ်ပေးပါ။

4. Side bend

ရင်ဘတ်ကြွက်သားများနှင့် oblique ဝမ်းဗိုက်ကြွက်သားများကို ဆန့်စေပြီး သွေးလည်ပတ်မှုစနစ်ကို တိုးတတ်စေပါတယ်။

စတင်ရမယ့်အနေအထား။ ကျောကုန်းကို ဖြောင့်ဖြောင့်ထားပြီး ကုလားထိုင်ပေါ်မှာ ထိုင်ပါ။
ကုလားထိုင်ပေါ်မှာ လက်တစ်ဖက်ကို တင်ထားပြီး ပခုံးတွေကို ဖြေလျော့ပါ။ ပြီးနောက် တခြားလက်တစ်ဖက်ကို မိုးပေါ်သို့ဖြောင့်ဖြောင့် မြှောက်ပြီး ဘေးဖက်ကို စကွေးပါ။ ဒီအချက်က အကြောတွေ ဆန့်သွားသလို ခံစားရစေပါတယ်။ သင့်ခန္ဓာကိုယ်ကို ဖြောင့်ဖြောင့်ထားပြီး အနောက် (သို့) ရှေ့ကို အမှီပြုဖို့ မကြိုးစားပါနဲ့။ တစ်ဖက်စီကို 10ကြိမ် ထပ်ခါထပ်ခါလုပ်ပါ။

5. Chair pigeon

ကျောကုန်းအောက်ပိုင်းကို ဆန့်ပြီး ခြေထောက်တွေကို ဖြေလျော့စေပါတယ်။

စတင်ရမယ့်အနေအထား။ ကျောကုန်းကို ဖြောင့်ဖြောင့်ထားပြီး ကုလားထိုင်ပေါ်မှာ ထိုင်ပါ။ ဘယ်ဘက်ဒူးပေါ်ကို ညာဘက်ခြေကျင်းဝတ် တင်ထားပါ။
ခန္ဓာကိုယ်ကို ခပ်ဆန့်ဆန့်အနေအထားနဲ့ ရှေ့သို့ယိမ်းပါ။ ဒီအနေအထားကို စက္ကန့်30 ထားပြီး အသက်ပြင်းပြင်း ၅ခါရှုပေးပါ။ ပြီးမှ အနေအထားပြောင်းလဲပါ။ ခြေထောက်တစ်ဖက်ချင်းစီကို ၂-၃ ကြိမ် ထပ်ခါတလဲလဲ လုပ်ပေးပါ။

ကျောအောက်ပိုင်းဆန့်ခြင်းအတွက် အကောင်းဆုံးလေ့ကျင့်ခန်း

ဒီလေ့ကျင့်ခန်းရဲ့ စတင်ရမယ့်အနေအထားက ကြမ်းပြင်ပေါ်မှာ လဲလျောင်းရမှာဖြစ်တာကြောင့် ရုံးမှာလုပ်ဖို့ မဖြစ်နိုင်ပါဘူး။ ဒါပေမယ့် အိမ်မှာ လုပ်ပေးရင် အလွန်ထိရောက်ပါတယ်။ အိပ်ရာမဝင်ခင်မှာ ပြုလုပ်ပေးနိုင်ပါတယ်။
ဒူူးနှစ်ဖက်ကို ရင်ဘတ်ဆီသို့ ကွေးပေးပါ။ ဘယ်ဘက်ဒူးကို ကိုင်ထားပြီး သင့်ခန္ဓာကိုယ်နှင့် နီးနိုင်သမျှနီးအောင် ကွေးပေးပါ။ညာဘက်ခြေထောက်က ကြမ်းပြင်ပေါ်မှာ ဆန့်ထားရပါမယ်။ စက္ကန့် ၃၀ ပြည့်ရင် တခြားတစ်ဘက်ကို ပြောင်းပြီး လုပ်ပေးပါ။
#Lifestyle_Myanmar

#TB_Nandar
Souce-brightside

LEAVE A REPLY

Please enter your comment!
Please enter your name here