အောင်မြင်မှုလမ်းကြောင်းတွေဆီသို့ ရောက်ရှိနိုင်ဖို့အတွက် နည်းလမ်းများ

လူတစ်ဦးတစ်ယောက်ဆီတိုင်းမှာ ကိုယ်ပိုင်အရည်အချင်းတစ်ခုဆီ ( သို့) တစ်ခုထက်ပိုတာတွေရှိကြပါတယ်။ အောင်မြင်ကျော်ကြားနေတဲ့ လူတိုင်းကိုကြည့်လိုက်ရင် သူတို့ဟာ သူတို့ဘာကိုထူးချွန်ကျွမ်းကျင်ကြသလဲဆိုတာကို သိသလို သူတို့အရည်အချင်းကို အသုံးချပြီး အောင်မြင်မှုရရှိဖို့ ဘယ်လိုလုပ်ရမလဲဆိုတာ ကောင်းကောင်းကြီး သိထားကြပါတယ်။ ဒါပေမယ့် အချို့သောလူတွေကြတော့ သူတို့မှာဘယ်လိုအရည်အချင်းမျိုးပိုင်ဆိုင်ထားသလဲဆိုတာမသိသလို ဘာကိုလုပ်ရမယ်မှန်းလည်း နားမလည်ကြပါဘူး။ အဲ့ဒါကြောင့်မို့ သူတို့တော်တော်များများဟာ မကျေနပ်ချက်တွေနဲ့ ဘဝကိုပင်ပန်းတကြီး ဖြတ်သန်းရလေ့ရှိပါတယ်။

သင့်မှာ ဘယ်လိုအိပ်မက်တွေရှိလည်းဆိုတာ ပြန်စဉ်းစားပါ

ဟိုးငယ်ဘဝက ရူးရူးနှမ်းနှမ်းစိတ်ကူးအိပ်မက်တွေ၊ ဆယ်ကျော်သက်အရွယ် သူရဲကောင်းဆန်ချင်လွန်းတဲ့အိပ်မက်တွေ၊ အရွယ်ရောက်လာတဲ့အချိန်မှ ဖြစ်ချင်လာတဲ့ စိတ်ကူးအိပ်မက်တွေကိုပြန်စဉ်းစားကြည့်ပါ။ ပြီးရင် စာအုပ်တစ်အုပ်ထဲချရေးပြီး ဖြစ်နိုင်ခြေရှိတာနဲ့ မရှိတာခွဲခြားလိုက်ပါ။ သင့်အိပ်မက်ဟာ ဖြစ်နိုင်ခြေရှိပေမယ့် အခုလောလောဆယ်မှာတော့ ဖြစ်မလာနိုင်သေးဘူးဆိုရင်နောက်ထပ် အဆင့်တစ်ခုကိုဆက်သွားကြည့်ကြတာပေါ့။

ဘယ်လိုအရာက သင့်ကိုစိတ်ဓါတ်တက်ကြွစေသလဲ

အောင်မြင်နေတဲ့ လုပ်ငန်းရှင်တစ်ယောက်ကို ကြည့်ပြီး သင် အားကျနေခဲ့ဖူးပါသလား။ သူတို့လိုအောင်မြင်ချင်စိတ်တွေဖြစ်လာဘူးသလား။ ရှိခဲ့ရင်ချရေးထားပါ။ ဘယ်အရာက သင့်ကို ပျော်ရွှင်စေသလည်း ဆိုတာစဉ်းစားပါ။ ဟိုအရင်က ဘာတွေကို ဝါသနာပါခဲ့တာလဲ၊ ကလေးဘဝတုန်းကနဲ့ ဆယ်ကျော်သက်အရွယ်တုန်းကဘယ်လိုအရာတွေကို လုပ်ခွင့်ရနေရင် ပျော်နေတတ်လဲဆိုတာတွေကိုလဲ ချရေးလိုက်ပါ။

မလိုအပ်ဖူးထင်တာတွေကို ဖယ်ထုတ်ပစ်လိုက်ပါ

အခုချိန်ထိချရေးထားသမျှတွေထဲက သင့်အိပ်မက်ကို အထောက်အကူဖြစ်စေနိုင်တဲ့အရာတွေကို တစ်ခုချင်းစီ သေချာစဉ်းစားပြီး သူတို့ကိုဆီကနေ သင့်ရဲ့ စိတ်ပါဝင်စားမှုဘယ်လောက်ရှိတယ်ဆိုတာကို အကဲဖြတ်ပါ။ အခုချိန်မှာ မလိုအပ်တော့ဘူးလို့ ထင်တဲ့အရာတွေကို ဖယ်ထုတ်ပစ်လိုက်ပါ။ပြီးရင်တော့ သူတို့ထဲက ဘယ်လိုအရာတွေကို အတူတကွ စုစည်းလို့ရနိုင်မလဲဆိုတာကိုသေချာကြည့်ပြီး တူရာစုလိုက်ပါ။ တချို့အရာတွေက အပြန်အလှန်ချိတ်ဆက်နေပြီး သဘောသဘာဝတွေတူညီနေတာကို တွေ့ရပါလိမ့်မယ်။

ပြီးရင် အုပ်စုတစ်ခုခြင်းကို အမည်ပေးပါ

နာမည်တစ်ခုခြင်းစီသည် သင်ရဲ့ ပင်ကိုယ်စွမ်းရည်အကြောင်းကို တစ်ခုခုပြောပါလိမ့်မယ်။ အုပ်စုများကြား ဆက်သွယ်မှုကိုရှာဖွေပါ။ မတူညီတဲ့အရာတွေကို ဘယ်လိုချိတ်ဆက်လို့ရမလဲဆိုတာကို ယခုသိဖို့လိုအပ်နေပြီဖြစ်ပါတယ်။ အုပ်စုတစ်ခု၏တည်ရှိမှုသည် အခြားတစ်ခုကို ဘယ်လိုအထောက်အကူပြုနေလဲဆိုတာကို စဉ်းစားပါ။

သင့်ရဲ့ စွမ်းရည်တွေဖွင့်ထုတ်ပစ်ပါ

စဉ်းစားပြီးရင်တော့ လက်တွေ့ဘဝမှာ သင့်အိပ်မက်တွေကို အကောင်အထည်ဖော်ဖို့ ဖြစ်နိုင်ချေအားလုံးကို ချရေးပါ။ ပရော်ဖက်ရှင်နယ်ပုံစံလား ဒါမှမဟုတ် ကိုယ်ရေးကိုယ်တာ ပုံစံလား။ ဘယ်လိုလှုပ်ရှားမှုမျိုးက သင့်အိပ်မက်နဲ့စွမ်းရည်ကို ပိုပြီးသက်ဆိုင်စေပါသလဲ။ အကြံဉာဏ်များလေလေပိုကောင်းလေလေပါဘဲ။

သင့်ရဲ့ဘဝရည်းမှန်းချက်ကို သတ်မှတ်ပါ

သင့်အိပ်မက်နဲ့ ပါရမီအတွက် ဖြစ်နိုင်ခြေရှိတဲ့ စာရင်းကို ရရှိထားပြီမို့ ရရှိလာတဲ့ စာရင်းအချက်အလက်တွေထဲက ဘယ်လိုအရာက သင့်ကိုပိုမိုပြီး စွဲဆောင်မှုရှိလဲဆိုတာစမ်းစစ်ပြီး အောင်မြင်မှုရရှိနိုင်ဖို့ ဘယ်လိုလုပ်ရမယ်ဆိုတာ တိကျတဲ့လမ်းညွှန်ချက်တွေတော့ လိုအပ်ပါလိမ့်မယ်။ ဒါပေမယ့် သင်ဟာ ဘယ်လိုနေရာမှာ သင့်ရဲ့အစွမ်းအစတွေရှိနေပြီး အောင်မြင်ဖို့အခွင့်အလမ်းကိုဖော်ဆောင်နိုင်မယ်လို့ ခံစားရတာကြောင့် သင့်ကိုသင် ယုံကြည်စိတ်ချမှုရှိပြီး စိတ်အားထက်သန်မှုတွေကို ခံစားရမှာဖြစ်ပါတယ်။

#Lifestyle_Myanmar

#Dmo_aung

#Ref- powerofpositivity

Lifestyle Myanmar မှ ရေးသားဖော်ပြနေတဲ့ ဆောင်းပါးများကို အခြားသော Media ၊ Website များနဲ့ Facebook Page များမှာ ခွင့်ပြုချက်မရှိဘဲ ကူးယူဖော်ပြခြင်းမပြုပါရန် လေးစားစွာ အသိပေးအပ်ပါသည်။