တစ်ချို့သူတွေက စမတ်ကျဖို့အတွက် သီးသန့်လူဖြစ်လာကြတာပါ။ စမတ်ကျတဲ့သူတွေဟာ သူတို့ကိုယ်သူတို့ နှိမ့်ချတတ်ကြပြီး စမတ်ကျတယ်လို့ ဘယ်တော့မှ ဝန်မခံချင်ကြပါဘူး။ စူးစမ်းလေ့လာတတ်ကြသူတွေမို့ အသစ်အဆန်းတွေကို အမြဲတမ်းရှာဖွေနေကြပါတယ်။ ရာသီခွင်တွေအားလုံးထဲမှာမှ စမတ်အကျဆုံး ရာသီခွင် (၃) ခု က ဘယ်ရာသီခွင်တွေလဲသိချင်ရင်တော့ အောက်မှာပဲဆက်ကြည့်လိုက်ပါ။
Capricorn (December 22 – January 19)
ဗဟုသုတအမြဲရှာချင်နေတဲ့ Capricorn လေးတွေဟာ နိုင်ငံရေးအစ စိတ်ပညာအဆုံး သူတို့စိတ်ဝင်စားတဲ့နယ်ပယ်တွေ အများကြီးရှိနေတတ်ပါတယ်။ အားလပ်ချိန်မျိုးမှာလည်း အပန်းဖြေရတာထက် မှတ်တမ်းတင်ဆောင်းပါးတွေနဲ့ သတင်းတွေကို နားထောင်ရတာနှစ်သက်သူမို့ အသိဉာဏ်တိုးပြီးရင်း တိုးနေကြသူတွေပဲ ဖြစ်ပါတယ်။ စိတ်ရော ဦးနှောက်ပါ အမြဲဖွံ့ဖြိုးအောင် ကြိုးစားနေကြသူတွေမို့ စမတ်အကျဆုံးရာသီခွင်တွေထဲ ပါဝင်လာတာပဲ ဖြစ်ပါတယ်။
Aries (March 21 – April 19)
Aries ဖွားလေးတွေဟာ ငယ်ငယ်လေးတည်းက စာဖတ်ဝါသနာပါကြသူတွေ ဖြစ်ပါတယ်။ စိန်ခေါ်မှုတွေကို နှစ်သက်ပြီး အလုပ်အမြဲတမ်းရှပ်နေတတ်ကြသူတွေလည်း ဖြစ်ပါတယ်။ စူးစမ်းလေ့လာလိုစိတ်ရှိကြပြီး သူမသိတာတွေ အများကြီးရှိသေးတယ်ဆိုပြီးလည်း မကြာခဏပြောတတ်ကြသူတွေ ဖြစ်ပါတယ်။ ဆွေးနွေးရလွယ်ကူပြီး အသစ်အဆန်းတွေကို အမြဲနားစွင့်နေတတ်ကြသူတွေပဲ ဖြစ်ပါတယ်။
Aquarius (January 20 – February 18)
Aquarius တွေဟာ ၎င်းတို့ဘဝတိုးတက်ဖို့အတွက်နဲ့ အသိဉာဏ်မြင့်မားဖို့အတွက် အမြဲတစေအားထုတ်ကြိုးပမ်းနေကြသူတွေလည်း ဖြစ်ပါတယ်။ တွေးခေါ်နိုင်စွမ်းမြင့်မားကြပြီး မေးခွန်းထုတ်ရတာကို နှစ်သက်သူတွေလည်း ဖြစ်ပါတယ်။ ၎င်းတို့ဟာ မေးခွန်းတွေ တသီတသန်းကြီးမေးတတ်ကြပြီး ကိစ္စတိုင်းအတွက် ထင်မြင်ယူဆချက်ပေါင်းမြောက်များစွာ ရှိနေတတ်ကြပါတယ်။ အားလပ်ချိန်တွေမှာဆို ပြတိုက်နဲ့ စာကြည့်တိုက်တွေကိုသွားရတာ နှစ်သက်ကြပါတယ်။
Lifestyle_Myanmar
ref-readersdigest
