“ငါတစ်လကို ဘယ်လောက်ပဲသုံးမယ်” ဆိုပြီး Budget သတ်မှတ်ထားကာ အဲ့အတိုင်းလိုက်လုပ်ဖို့က အသုံးအဖြုန်းကြီးကြတဲ့ သူတွေအတွက်တော့ အင်မတန်စိန်ခေါ်မှုတစ်ရပ်ပါပဲ။ တချို့လူတွေက သူတို့ဘဝတစ်လျှောက်လုံး ချိုးခြံချွေတာပြီး နေလာကြချိန်မှာ တစ်သက်လုံးစုလာတဲ့ပိုက်ဆံတွေကို ဈေးကြီး Branded အိတ်တစ်လုံးဝယ်ဖို့ သုံးလိုက်တဲ့ အသုံးအဖြုန်းကြီးသူတွေလည်း ဒီခေတ်ထဲမှာ ရှိနေသေးပါတယ်။
“အရင်ဝယ်လိုက်ပါမယ်၊ နောက်မှပိုက်ဆံပြန်စုမယ်” ဆိုတဲ့အတွေးက Budget အမြဲကျော်သွားတတ်သူတို့ခေါင်းထဲမှာ ဖြစ်နေတတ်တဲ့အတွေးပါ။ အလှူအတန်းဆိုလည်း ရက်ရောတာ သူတို့အပြင်မရှိပါဘူး။ အသုံးအဖြုန်းကြီးတဲ့ ရာသီခွင် (၅) ခုရှိပါတယ်။ သင်ကော ဒီရာသီခွင် (၅) ခုထဲပါနေမလား ကြည့်လိုက်ပါဦး။
၁။ Pisces (February 19 ကနေ March 20)
ဒီရာသီဖွားတွေက အင်မတန် ခင်မင်ရင်းနှီးတတ်ကြတဲ့အတွက် တစ်ယောက်ယောက်ကို ခင်ပြီဆိုတာနဲ့ သူတို့ဘက်က အိတ်စိုက်ပေးဖို့ ဝန်မလေးပါဘူး။ သူတို့တွေက လူတစ်ယောက် ပိုက်ဆံနဲ့ပတ်သက်ပြီး အကူအညီတောင်းခဲ့ရင်လည်း သူတို့ပိုက်ဆံအိတ်ထဲမှာရှိသမျှ အကုန်သွန်မှောက်ပြီး ပေးမယ့်လူတွေပါ။ သူတို့အတွက် တစ်ခုခုအရေးကြီးလိုအပ်တာအတွက် စုထားတဲ့ပိုက်ဆံဆိုရင်လည်း ဂရုမစိုက်တတ်ကြသလို ပိုက်ဆံဘယ်လောက်ကုန်သွားလဲဆိုပြီး စာရင်းလုပ်ထားတာလည်း သူတို့ဆီမှာ မရှိပါဘူး။
၂။ SAGITTARIUS (November 22 ကနေ December 21)
Sagi ရာသီဖွားတွေက အကောင်းမြင်သမားတွေပါ။ ကိုယ့်ကိုယ်ကို အရမ်းချိုးခြံချွေတာပြီး ပိုက်ဆံစုလွန်းပေမယ့်လည်း အစုနဲ့အသုံးက ဘယ်လိုမှ မကိုက်ညီကြပါဘူး။ ဆိုလိုတာက ဘယ်လောက်ပဲ ပိုက်ဆံစုစု အသုံးအရမ်းကြီးကြတဲ့အတွက်ကြောင့် စုတာထက်ပိုပြီး သုံးမိတာကများနေတတ်ပါတယ်။ ငွေစာရင်းလုပ်တာလည်း သူတို့လောက်တော်တဲ့လူမရှိပါဘူး။ ဒါပေမဲ့ အဲ့စာရင်းအတိုင်း လိုက်မလုပ်နိုင်တာလေးတစ်ခုပါပဲ။
၃။ LIBRA (September 23 ကနေ October 22)
Libra ရာသီဖွားတွေက လူတော်လူကောင်းတွေပါ ဒါပေမယ့် သူတို့ရဲ့အားနည်းချက်ကတော့ တခဏတာအတွင်း စိတ်အလိုလိုက်ပြီးတော့ မလိုအပ်တာတွေ လျှောက်ပြီးဝယ်ခြင်းပါပဲ။ ပုံမှန်အချိန်တွေမှာ အပြစ်ပြောစရာမရှိအောင် လိမ္မာကြပေမယ့် သူတို့ကြိုက်တာတစ်ခုခုတွေ့ပြီဆိုတာနဲ့ ပိုက်ဆံကိုရေလိုသုံးတော့တာပါ။ သူတို့ရဲ့ ဒီအကျင့်ကိုလည်း မကောင်းဘူးမှန်း သူတို့ကိုယ်တိုင်သိကြပေမယ့်လည်း လုပ်မြဲလုပ်ဆဲပါပဲ။
၄။ GEMINI (May 21 ကနေ June 20)
Gemini တွေက စိတ်ခံစားချက်နဲ့အလုပ်လုပ်တာပါ။ သူတို့ခေါင်းထဲမှာ Budget ဒီလောက်ပဲသုံးမယ်လို့ စဥ်းစားထားပေမယ့်လည်း သူတို့စိတ်ညစ်နေတဲ့အချိန် ပိုက်ဆံသုံးပစ်ဖို့ ဝန်မလေးပါဘူး။ ဒါကြောင့် အသုံးဖြုန်းကြီးတဲ့ စာရင်းထဲပါနေတာပါ။
၅။ ARIES (March 21 ကနေ April 19)
Aries တွေဟာလည်း အထက်ကရာသီဖွားတွေလိုပဲ လက်ဖွာရတဲ့အကြောင်းရင်းက လိုအပ်တာနဲ့ လိုချင်တာရောနေတာပါ။ အိတ်အသစ်လိုတာလား ဒါမှမဟုတ် လိုချင်တာလားကို သူတို့သေချာမသိကြပါဘူး။ အမြဲတမ်း သူတို့လိုချင်တာဆို ရအောင်ယူတတ်လို့ မလိုတာတွေပါ ဝယ်ရင်းကနေ တစ်လတစ်လ Budget တွေ ကျော်ကျော်သွားတတ်တာပါ။ သုံးပြီးမှ ပြန်ဖြည့်ရတော့မှာ ပြန်တွေးပြီး ခေါင်းကိုက်တတ်တာလည်း သူတို့ပါပဲ။
Lifestyle_Myanmar
ref-pinkvilla
