ယောင်္ကျားလေးတွေအပေါ်မှာ ရင်ခုန်စိတ်လှုပ်ရှားစေမယ့် စိတ်ဝင်စားမှုကို ပွင့်ပွင့်လင်းလင်းဖော်ပြခြင်းကြောင့် အမျိုးသမီးတွေက သမိုင်းမှာ ပြစ်တင်ရှုတ်ချခြင်းခံကြရတယ်။ ဒါကြောင့် ဒီလိုပရောပရည်အနုပညာက မွေးဖွားလာခဲ့တယ်။
ဆန်းပြားတဲ့ ကိုယ်ဟန်အမူအရာ၊ မျက်နှာအမူအရာနှင့် ထိတွေ့မှုတွေရဲ့ အကူအညီနဲ့ အမျိုးသားတွေရဲ့ အာရုံကို ဆွဲဆောင်နိုင်တဲ့ ချစ်စရာ coquetteက သူမရဲ့ ပြိုင်ဘက်တွေထက် ကြီးမားတဲ့အားသာချက်တွေ ဖြစ်ပါတယ်။
၁။ စပယ်ရှယ်အကြည့်
ကျွန်မတို့အဘွားတွေလိုမျိုး ဒီစပယ်ရှယ်အကြည့်တွေ ကြည့်ရှုတတ်ဖို့သင်ယူပါ။ ဒီလို ပရောပရည်လုပ်ခြင်းက အရေးကြီးတယ်။ ဒီနည်းလမ်းက သူမကိုစိတ်ဝင်စားတဲ့သူတွေကို ထုတ်ဖော်တဲ့နည်းလမ်းလည်း ဖြစ်ပါတယ်။
ဘာလုပ်ရမလဲ- သင်ချစ်မြတ်နိုးရတဲ့သူရဲ့ မျက်လုံးထဲကို သုံးစက္ကန့်ခန့်ကြာအောင် တစ်ဖြောင့်တည်းကြည့်ပါ(”ကြာ”ကြည့်တို့ ၊ ”ညို့”ကြည့်တို့ဆိုတာမျိုး”)။ ပြီးရင် အဝေးကိုဖြစ်ဖြစ် အောက်ဘက်ကိုဖြစ်ဖြစ် ပြန်ကြည့်ပါ။ အကြိမ်ပေါင်းများစွာထပ်ခါတလဲလဲ အဲ့ဒီလိုလုပ်ပေးပါ။
၂။ ထိတွေ့မှုတစ်ခု
ကြည့်ရှုခြင်းအပြင် အနီးကပ်ထိတွေ့နိုင်တဲ့ ဆက်သွယ်မှုတွေကို တည်ဆောက်ဖို့ ပိုအရေးကြီးပါတယ်။ လက်ဖဝါး (သို့) အခြားအစိတ်အပိုင်းတစ်ခုခုကို မတော်တဆတိုက်မိသလိုမျိုး ဝင်ဖြတ်ပါ။ နောက်ဆက်တွဲကတော့ တုံ့ပြန်မှုကို စောင့်ကြည့်ပါ။
အထူးလှည့်ကွက်- လူတစ်ယောက်နဲ့ စကားပြောတဲ့အခါ သင့်ဆံပင်တွေကို ပွတ်သပ်ပါ။ ဒီလောက်ပြောရုံနဲ့ သိပါတယ်(ဟုတ်တယ်ဟုတ်)။ ခန္ဓာကိုယ်ဘာသာစကားဖြင့် ပြောင်ပြောင်တင်းတင်းအပြုအမူတွေက အဲဒီ့လူကို စိတ်ဝင်စားကြောင်းပြသရာ ရောက်ပါတယ်။ (ဒီလောက်ပြနေလို့မှ မသိရင် ထားခဲ့လိုက်ပါ။ ကျွဲပါးစောင်းတီးလုပ်မနေပါနဲ့ အချိန်ကုန်ပါတယ် နောက်တစ်ယောက်ပြောင်းလိုက်ပါ)။
၃။ ရှက်ကြောက်ခြင်း
အမျိုးသားအများစုအတွက် ချိန်းတွေ့တဲ့အခါ အစောပိုင်းကာလတွေမှာ ရှက်ကြောက်ခြင်းက ကြီးမားတဲ့အလှည့်အပြောင်းတစ်ခုဖြစ်ပါတယ်။ ဒီနေရာမှာ ကိုယ့်အမူအရာလေးနဲ့ ရှက်ပါ။ မတရား cuteဖြစ်ချင်နေပြီးတော့ မူရာမာယာတွေ အပိုလွန်နေရင်လည်း အခြောက်မကြီး ဝမ်းနှုတ်ဆေးတိုက်ထားသလိုမျိုးတော့ မဖြစ်စေချင်ဘူး။ ကိုယ့်ပန်ဟန်လေးနဲ့ ကိုယ်ရှက်ပါ။
တကယ်လို့ လူတစ်ယောက်က သင့်ကို အလွယ်တကူရှက်ရွံ့စေတယ်ဆိုရင် ဒါကို လုံးဝဖုံးကွယ်မထားပါနဲ့။ ရှက်သာ ရှက်ပလိုက်။
၄။ ပိုရယ်မောပါ
အမျိုးသားတစ်ဦးက သူ့ပြက်လုံးတွေကို စိတ်ရင်းမှန်ဖြင့် ရယ်မောဖို့ ဆန္ဒရှိတဲ့ အမျိုးသမီးတစ်ဦးရဲ့ ဆွဲဆောင်ခြင်းကို ခံကြရပါတယ်(နားလည်ပါတယ်နော်)။ ရယ်သံလေးက စမ်းရေစီးသံလေးလို ဖြစ်နေမယ်ဆိုရင် ပိုအဆင်ပြေတာပေါ့။
သတိပေးချက်- အလွန်အကျွံကြီးတော့ မလုပ်လိုက်နဲ့ဦး။
တကယ်လို့ လူတစ်ယောက်က သင့်ထိတွေ့မှု (သို့) အခြားအာရုံစူးစိုက်မှုဆိုင်ရာ လက္ခဏာတွေကို မနှစ်သက်ကြောင်း သတိပြုမိတယ်ဆိုရင် ထပ်ပြီးမတောင်းဆိုပါနှင့်။ ရေစက် (သို့) ဝဋ်ကြွေးတစ်ခုမှမပါဘူးဆိုရင် ဘယ်လောက်ပဲ မူရာတွေ၊ ဟန်ပန်တွေသုံးသုံး ဘာမှဖြစ်လာမှာ မဟုတ်ပါဘူး။ အတော်လေးဖြစ်နိုင်ခြေရှိတာက သင့်ဆက်ဆံရေးကို နောက်တစ်ဆင့်ကို ပြောင်းဖို့ အဆင်သင့်မဖြစ်သေးပါဘူး။
Lifestyle_Myanmar
Nyein_Thu
Ref-fabiosa.
