အမျိုးသမီးများ မီးဖွားရန်လွယ်ကူပြီး သွေးလည်ပတ်မှုအားကောင်းစေသောယောဂကျင့်စဉ်

0
178
ယောဂကျင့်စဉ်
ယောဂကျင့်စဉ်

Supported Bridge (Setu Bandhasana)

-Advertisement-

ဒီလေ့ကျင့်ခန်းဟာ အမျိုးသမီးမျိုးဆက်ပွားအင်္ဂါအစိတ်အပိုင်းသို့ သွေးစီးဆင်းမှုတိုးပွားစေဖို့အတွက် လုပ်ဆောင်ပေးနိုင်ပါတယ်။ ဒီဟာ စိတ်ကျရောဂါ၊ စိုးရိမ်ပူပန်ခြင်း နဲ့ ပင်ပန်းနွမ်းနယ်မှုလက္ခဏာတွေကို ဖယ်ရှားပစ်ဖို့အတွက် အကူအညီဖြစ်စေပါတယ်။ ပထမဦးစွာ ကြမ်းပြင်ပေါ် ပတ်လက်အနေအထားနေပြီး သင့်ရဲ့ ဒူးခေါင်းနှစ်ဖက်ကို ထောင်ထားပေးပါ။ ထို့အပြင် လက်နှစ်ဖက်ကို ကြမ်းပြင်နဲ့ကပ်ပြီးဆန့်ထားပေးပါ။ ထိုကဲ့သို့ ပုံစံကနေ သင့်ရဲ့ ခါးကို အပေါ်သို့ ပုံမှာ ပြသထားတဲ့ အနေအထားသို့ ရောက်အောင်တဖြည်းဖြည်းမြှင့်တင်ပေးပါ။ ထိုအနေအထားအတိုင်း ၁မိနစ် သို့မဟုတ် ၂မိနစ်လောက်ထိနေပြီး အသက်ကို ပါးစပ်ကနေ တဝကြီးရှူရှိုက်ပေးပါ။ ပြီးမှ တစ်ဖြည်းဖြည်း ကြမ်းပြင်ပေါ်သို့ သင့်ရဲ့ ခါးကိုပြန်ချပေးပါ။

Legs Up the Wall (Viparita Karani)

ဒီလေ့ကျင့်ခန်းဟာ ခန္ဓာကိုယ်အောက်ပိုင်းအကြောများ တင်းမာမှုကို ပြေလျော့စေပြီး တင်းပါဆုံနဲ့ ဆီးစပ်နေရာတစ်ဝှိုက် သွေးစီးဆင်းမှုကို ပိုမိုကောင်းမွန်စေပါတယ်။ တံကောက်ကြောကြွက်သားများကိုလှုပ်ဆော်ပေးပြီး လိင်ဆက်ဆံပြီးတဲ့အခါ ထိုလေ့ကျင့်ခန်း ကို ပြုလုပ်လျှင် ကိုယ်ဝန်ဆောင်နိုင်ဖို့အခွင့်အလမ်းတွေကို တိုးမြှင့်ပေးနိုင်ပါတယ်။ ပထမဦးစွာ ပုံမှာပြသထားတဲ့အတိုင်း တတ်နိုင်သမျှ သင့်ရဲ့ တင်ပါးကို နံရံနဲ့ ကပ်နိုင်သမျှကပ်ပြီး ခြေထောက်နှစ်ချောင်းကို နံရံပေါ်သို့ ထောင်ထားပေးပါ။ နောက်ကျောအတွက် အဆင်မပြေတဲ့အခါ ခါးအောက်တွင် ခေါင်းအုံးသို့မဟုတ်စောင် တစ်ခုခု ထည့်ထားနိုင်ပါတယ်။ ထိုအနေအထားအတိုင်းနေပြီး လေကို ပါးစပ်နဲ့ပါ ပြင်းပြင်းရှူရှိုက်ပေးပြီး အနားယူလိုက်ပါ။

Standing Forward Bend (Uttanasana)

အဆိုပါလေ့ကျင့်ခန်းဟာ သင့်ရဲ့ ဆဲလ်မှ အောက်စီဂျင်စီးဆင်းမှုနှုန်းကို တိုးမြှင့်ပေးပြီး စိတ်ကိုကြည်လင်စေဖို့အတွက် ကူညီပါတယ်။ ဒါ့အပြင် Endocrine စနစ်က ဟော်မုန်းကိုမျှတအောင်ကူညီပေးပြီး သင့်ရဲ့ အောက်ပိုင်းကြွက်သားများကိုလည်း ပြေလျော့စေပါတယ်။ မတ်တပ်အနေအထားမှ တံကောက်ကွေးကို ဆန့်ထားပြီး သင့်ရဲ့ ခါးကနေ အောက်သို့ ချိုးချလိုက်ပါ။ လက်နှစ်ဖက်က ကြမ်းပြင်သို့မဟုတ် ခြေထောက်ကိုထိတဲ့အထိ ခါးကို ကုန်းထားပေးပါ။ ထိုပုံစံအတိုင်း လေကို ပါးစပ်နဲ့ပြင်းပြင်းလေး ရှူလိုက်ပါ။ စက္ကန့်အနည်းငယ်ကြာ တဲ့အခါမှ ခါးကိုပြန်မတ်ပေးပါ။

Reclining Bound Angle (Supta Baddha Konasana)

ဒီလေ့ကျင့်ခန်းဟာ သင့်ရဲ့တင်ပါးကိုဖွင့်ထားပေးပြီး ပေါင်အတွင်းပိုင်းကြွက်သားများကိုဆန့်ထုတ်ပေးပါတယ်။ ဒါ့အပြင် သွေးလည်ပတ်မှုစနစ်ကိုတိုးပွားစေပါတယ်။ အရင်ဦးဆုံးကြမ်းပြင်ပေါ်တွင် ပက်လက်အနေအထားနေပြီး ဒူးခေါင်းနှစ်ဖက်ကိုထောင်ထားပေါ်ပါ။ ထိုဒူးနှစ်လုံးထောင်ထားတဲ့အနေအထားကနေ ပုံမှာဖော်ပြထားသကဲ့သို့ ဒူးတစ်ဖက်ကို ဘယ်ဘက်သို့၊ နောက်ဒူးတစ်ဖက်ကို ညာဘက်သို့ ကြမ်းပြင်နဲ့ထိအောင် ဘေးတစ်ဖက်စီ ဖြဲကားချလိုက်ပါ။ သင့်ရဲ့ လက်နှစ်ဖက်ကိုတော့ ဦးခေါင်းအောက်မှာထားထားပေးပါ။ ထိုအနေအထားအတိုင်း ၁မိနစ်ကနေ ၅မိနစ်အထိနေပြီး လေကိုပြင်းပြင်းလေး ပါးစပ်ဖြင့် ရှူရှိုက်ပေးပါ။

Child’s Pose (Balasana)

စိတ်ဖိစီးမှုနဲ့ ပင်ပန်းနွမ်းနယ်မှုကို သက်သာစေတဲ့လေ့ကျင့်ခန်းလေးပဲဖြစ်ပါတယ်။ ဒါ့အပြင် ကျောရိုး၊ တင်ပါးနဲ့ ပခုံးမှ ကြွက်သားများကိုဆန့်ထုတ်ပေးနိုင်ပါတယ်။ ဒီလေ့ကျင့်ခန်းရဲ့ ပုံစံဟာဆိုရင် ကျွန်တော်တို့ ဘုရားရှစ်ခိုးရသလို ပုံစံအနေအထားဆင်တူပြီး ဒီလေ့ကျင့်ခန်းမှာတော့
လက်နှစ်ဖက်ကို ပုံမှာဖော်ပြတဲ့အတိုင်းအရှေ့သို့ ဆန့်ထုတ်ထားပေးရမှာဖြစ်ပါတယ်။ နဖူးကကြမ်းပြင်နဲ့ထိအောင် အရှေ့သို့ တဖြည်းဖြည်းဆန့်ထုတ်သွားရမှာဖြစ်ပြီး ထိုအချိန်မှာ လေကိုပြင်းပြင်းလေးပါးစပ်ဖြင့် ရှူရှိူက်ပေးလိုက်ပါ။ ထိုအနေအထားအတိုင်း အနည်းဆုံး ၁မိနစ်လောက် နေဖို့လိုအပ်ပါတယ်။

Cobra Pose (Bhujangasana

တင်ပါးဆုံနေရာတစ်ဝှိုက်သွေးလည်ပတ်မှုကောင်းမွန်စေဖို့အတွက် ဒီလေ့ကျင့်ခန်းကိုပြုလုပ်သင့်ပါတယ်။ ဒါ့အပြင် နောက်ကျောနဲ့ ခန္ဓာကိုယ်ထဲမှာရှိတဲ့ ဟော်မုန်းကိုမျှမျှတတဖြစ်စေရန်ကူညီပေးပါတယ်။ ကြမ်းပြင်ပေါ်တွင် မှောက်ခုံအနေအထားနေပြီး လက်နှစ်ဖက်ကို ကြမ်းပြင်မှာထောက် ထားပေးပါ။ ထိုမှတစ်ဆင့် ဦးခေါင်းကိုမော့ထားပြီး ခန္ဓာကိုယ်အထက်ပိုင်းကို အပေါ်သို့ တဖြည်းဖြည်းမြှင့်တင်ပေးလိုက်ပါ။ ထိုပုံစံအတိုင်း စက္ကန့် ၃၀ခန့်နေပြီး လေကို ပါးစပ်ဖြင့် ပြင်းပြင်းလေးရှူရှိုက်ပေးလိုက်ပါ။

(မှတ်ချက် – ကျန်းမာရေးချို့ယွင်းချက်ရှိသူတွေ/ ကိုယ်၀န်လရင့်သူတွေအနေနဲ့ ဆရာ၀န်ရဲ့ ခွင့်ပြုချက်ရမှသာ လုပ်ဆောင်ဖို့ တိုက်တွန်းပါရစေခင်ဗျာ။)

အဝလွန်ခြင်းမဖြစ်စေပဲ ကိုယ်အလေးချိန်တက်စေဖို့ လွယ်ကူတဲ့နည်းလမ်း (၆) ချက်

#Lifestyle_Myanmar

#Thar_Nage

LEAVE A REPLY

Please enter your comment!
Please enter your name here