နှစ်ယောက်သား အလုပ်တွေ ဘယ်လောက်များများ သင့်ချစ်သူအတွက်တော့ အချိန်သတ်သတ်မှတ်မှတ်လေးပေးပြီး ဒိတ်ပါ။ ရုပ်ရှင်ကြည့်ပါ။ စားကောင်းတာတွေ အတူတူစားပါ။
တစ်စုံတစ်ယောက်ကိုချစ်ရတာ ပူလောင်တယ်လို့တော့ သူများတွေက ပြောကြတာပဲ။ ဒါပေမယ့် ဒါကတကယ်ရောမှန်ရဲ့လား။ သင်ကသာ အကောင်းဆုံးဖြစ်နေမယ်၊ သင့်ချစ်သူကလည်း သင်နဲ့နားလည်မှုရှိရှိ ခရီးဆက်နေမယ်ဆိုရင် သင်တို့ရဲ့ RS က တကယ့်ကို ပျော်စရာကောင်းနေမှာ သေချာတာပေါ့။ ဒီတော့ သင်တို့အားလုံးအတွက် သာယာလှပတဲ့ Relationship တစ်ခုကို ပိုင်ဆိုင်ခွင့်ရမယ့်နည်းလမ်းကောင်းလေးတွေကို မျှဝေပေးသွားမယ်နော်။
၁။ နှစ်ယောက်အတူတူအချိန်ဖြုန်းပါ။
ဘယ်လောက်ပဲချစ်ကြပါစေ၊ တစ်ယောက်နဲ့တစ်ယောက် အပြင်မှာ မတွေ့တာ အချိန်ကြာလာရင် နားလည်မှုတွေလွဲသွားနိုင်ပါတယ်။ ဒီတော့ နှစ်ယောက်သား အလုပ်တွေ ဘယ်လောက်များများ သင့်ချစ်သူအတွက်တော့ အချိန်သတ်သတ်မှတ်မှတ်လေးပေးပြီး ဒိတ်ပါ။ ရုပ်ရှင်ကြည့်ပါ။ စားကောင်းတာတွေ အတူတူစားပါ။ ဒီလိုနည်းလမ်းတွေနဲ့ တန်ဖိုးရှိတဲ့အချိန်တွေကို အတူတကွ ဖြတ်သန်းနိုင်ပါတယ်နော်။
၂။ မတွေ့ရရင်တောင် အမြဲတမ်း အဆက်အသွယ်ရှိနေပါ။
အခုခေတ်ကြီးက လမ်းဘေးက PCO ဖုန်းဆိုင်လေးကိုသွားပြီး အသည်းအသန်ဖုန်းပြောရတဲ့ခေတ်မဟုတ်တော့ပါဘူး။ အင်တာနက်ကနေတစ်ဆင့် ကလစ်ခ်လေးတစ်ချက်နှိပ်လိုက်ရုံနဲ့ တစ်ယောက်နဲ့တစ်ယောက် မြင်တွေ့နိုင်၊ စကားပြောနိုင်ပါပြီ။ မတတ်သာလို့ နှစ်ယောက်သားဝေးနေရင်တောင် နည်းပညာကိုအသုံးချပြီး နီးစပ်နိုင်ပါပြီ။
၃။ ချိန်းတွေ့တဲ့အခါမှာ နွေးထွေးမှုရှိပါစေ။
အပြင်မှာဒိတ်တဲ့အခါ တစ်ယောက်နဲ့တစ်ယောက် ပွေ့ဖက်ဖို့၊ လက်တွဲလမ်းလျှောက်ဖို့၊ နဖူးလေးကို ခပ်ဖွဖွလေးနမ်းဖို့ မမေ့လျော့ပါနဲ့။ နှစ်ယောက်က အပြင်မှာ တစ်ရက်တည်းဘယ်နှခါတွေ့နေရပါစေ၊ မိန်းကလေးတွေဘက်က ဒီလိုနွေးထွေးမှုမျိုးကို အချိန်တိုင်းတောင့်တနေတာတော့ သေချာပါတယ်နော်။
၄။ အပေးအယူမျှပါစေ။
သင့်ရဲ့ဘဝလက်တွဲဖော်နဲ့သင့်အကြား တစ်ယောက်နဲ့တစ်ယောက် အပေးအယူမျှနေဖို့ကလည်း သာယာလှပတဲ့ RS တစ်ခု တည်ဆောက်တဲ့နေရာမှာ အရမ်းအရေးပါပါတယ်။ ဒီတော့ သင့်ဖက်ကချည်းပဲ ရယူဖို့မစဥ်းစားပါနဲ့၊ သင့်ချစ်သူအတွက်လည်း ပြန်ပြီးပေးဆပ်နိုင်ပါစေ။ သင့်ချစ်သူကလည်း သင့်အတွက်လိုအပ်လာရင် ပြန်လည်ပေးဆပ်နိုင်သူတစ်ယောက်ဖြစ်ဖို့ အရေးကြီးပါတယ်။
၅။ နိမ့်မြင့်တက်ကျများအတွက် ကြိုတင်ပြင်ဆင်ပါ။
အမြဲတမ်း အဆင်ပြေနေတဲ့ သမီးရည်းစားဆက်ဆံရေးဆိုတာတော့မရှိပါဘူး။ တစ်ခါတလေမှာလည်း ရန်လေးဘာလေးဖြစ်မှ ပျင်းဖို့မကောင်းမှာပေါ့။ တစ်ယောက်နဲ့တစ်ယောက် စိတ်သဘောထားကွဲလွဲတာမျိုးတွေလည်းရှိပါတယ်။ ဒီလိုအခြေအနေမျိုးတွေနဲ့ ရင်ဆိုင်ရမယ်ဆိုရင် ဘယ်လိုမျိုးဖြေရှင်းမလဲဆိုတာက အရေးကြီးပါတယ်။
ပရိသတ်ကြီးရေ…။ တော်တော်များများကတော့ မကြာခဏရန်ဖြစ်နေတဲ့အတွဲတွေကိုကြည့်ပြီး အချစ်ဆိုတာ စိတ်ကုန်စရာကြီးပါလို့ ပြောတတ်ပါတယ်။ ဒါပေမယ့် သာယာနေတဲ့ RS တွေဆိုရင် သူတို့မမြင်တော့ပါဘူး။ သူတို့မမြင်တာလည်းကောင်းပါတယ်။ မဟုတ်ရင် သွေးလာထိုးနေဦးမယ်။ အဲ့ဒီတော့ သင်လည်း သာယာလှပတဲ့ RS လေးတစ်ခုကို ပိုင်ဆိုင်ချင်တယ်ဆိုရင် အခုမျှဝေပေးခဲ့တဲ့နည်းလမ်းလေးတွေကို အသုံးချကြည့်ဖို့ အကြံပေးလိုပါတယ်နော်။
#HM
#LifestyleMyanmar
Source: helpguide
