သန်စွမ်းပြေပြစ်တဲ့ ခန္ဓာကိုယ်ရရှိဖို့အတွက် အထိရောက်ဆုံး အကြောလျှော့လေ့ကျင့်ခန်း ၁၅ မျိုး

0
235

လှပပြီး ကျန်းမာသန်စွမ်းတဲ့ ကိုယ်ခန္ဓာကို ပိုင်ဆိုင်နိုင်ဖို့အတွက် ဘယ်လောက်ပဲလေ့ကျင့်ခန်းတွေလုပ်ပါစေ၊ အကြောလျှော့လေ့ကျင့်ခန်းမပါရင် ပြီးပြည့်စုံပြီလို့ ပြောလို့မရပါဘူး။ အကြောလျှော့လေ့ကျင့်ခန်းဟာ ကိုယ်ကာယအလှအတွက်ကစားသူတွေ၊ ဂျွမ်းဘားကစားသူတွေ၊ ဘဲလေးအကနဲ့ အခြားနယ်ပယ်အမျိုးမျိုးက သူတွေအတွက် အရေးအကြီဆုံး အစိတ်အပိုင်းဆိုရင်လည်း မမှားနိုင်ပါဘူး။
ဒါ့အပြင်ကိုယ်ခန္ဓာဟန်ချက်နဲ့ ကိုယ်နေဟန်ထားကို ပိုမိုကောင်းမွန်စေပြီး ကြွက်သားတွေတင်းကျပ်မှုကို အကောင်းဆုံးလျှော့ချပေးနိုင်တဲ့အတွက် အသက်ကြီးလာရင် သင့်အတွက်များစွာကောင်းကျိုးတွေ ရရှိစေမှာဖြစ်ပါတယ်။ အခြားလေ့ကျင့်ခန်းတွေ မလုပ်ခင်မှာ အရင်ဆုံးအကြောလျှော့လေ့ကျင့်ခန်းကို ပြုလုပ်ပေးခြင်းကြောင့် ပိုပြီးသက်တောင့်သက်သာစွာ ကစားနိုင်ခြင်း၊ ကြွက်သားနာကျင်မှုကို လျော့ကျစေခြင်းစတဲ့ ကောင်းကျိုးတွေကို ခံစားရမှာဖြစ်ပါတယ်။

၁။ လည်ပင်းအကြောလျော့နည်း
ကြမ်းပြင်မှာ ယခုကိုတင်ပလ္လင်ခွေထိုင်ပြီး လက်တစ်ဖက်ကကြမ်းပြင်ကိုထောက်ထားပါ။ အခြားလက်တစ်ဖက်က ဦးခေါင်းကို ဘေးသို့ဆွဲထားပြီး ၃၀စက္ကန့်လောက်ငြိမ်ထားပေးပါ။ ပြီးလျှင် ယခုနည်းအတိုင်း အခြားတစ်ဖက်ကိုလည်း ပြုလုပ်ပေးပါ။

၂။ ရင်ဘတ်အကြောလျော့နည်း
ခန္ဓာကိုယ်ကို မတ်မတ်ရပ်ထားပြီး သင့်ရဲ့လက်နှစ်ဖက်ကို နောက်သို့ယှက်ထားပေးပါ။ လက်နှစ်ဖက်ကို အပေါ်သို့မြင့်တင်ပြီး စက္ကန့် ၂၀-၃၀ လောက် ငြိမ်ထားပေးပါ။

၃။ ပခုံးအကြော့လျော့နည်း
ကိုယ်ခန္ဓကို မတ်မတ်ရပ်ခြင်း သို့မဟုတ် မတ်မတ်ထိုင်ထားရင်လည်းရပါတယ်။ ပြီးလျှင်လက်တစ်ဖက်ကို ဆန့်လျှက်အနေအထားနဲ့ အခြားလက်တစ်ဖက်က ပုံပါအတိုင်းပဲ ခန္ဓာကိုယ်ဖက်ကို ဆွဲယူပါ။ စက္ကန့် ၃၀ လောက်ယခုအနေအထားအတိုင်းနေပြီး အခြားတစ်ဖက်ကို ယခုနည်းအတိုင်း ပြုလုပ်ပေးပါ။

၄။ လက်မောင်းနောက်သား အကြောလျှော့နည်း
လက်တစ်ဖက်က ဦးခေါင်းအနောက်ကနောက်ပြန်အနေအထားအတိုင်း ကျောကိုထိထားပြီး ကျန်လက်တစ်ဖက်က တံတောင်ဆစ်ကနေ ဖြည်းညင်းစွာဆွဲပေးပါ။ ယခုပုံအတိုင်း စက္ကန့် ၃၀လောက်ကြာအောင်ပြုလုပ်ပေးပြီး အခြားတစ်ဖက်ကိုလည်း ယခုနည်းအတိုင်း ပြုလုပ်ပေးပါ။

၅။ လက်မောင်းရှေ့အကြာလျှော့နည်း
ဒူးခေါင်းနှစ်ဖက်ကို ထောင်လျက်အနေအထားနဲ့ ကြမ်းပြင်ပေါ်မှာ ထိုင်နေပြီး လက်ဖဝါးနှစ်ဖက်ကို အနောက်ဖက်ကြမ်းပြင်မှာ ထောက်ထားပါ။ သင့်ရဲ့ခြေထောက်တွေနဲ့ လက်တွေကိုငြိမ်အောင်ထားပြီး တင်ပါးကိုအပေါ်နဲ့အောက်ဖက်သို့ ဖြည်းညင်းစွာရွှေ့ပေးပါ။ ထိုနည်းအတိုင်း စက္ကန့်သုံးဆယ်လောက်ပြုလုပ်ပေးပါ။

၆။ လက်ကောက်ဝတ်အကြောလျော့ခြင်း
လက်တစ်ဖက်ကို ပခုံးအမြင့်အတိုင်း ရှေ့သို့ဆန့်ထားပြီး အခြားလက်တစ်ဖက်က ပုံအတိုင်း နောက်သို့ဆွဲယူပါ။ ယခုနည်းအတိုင်းစက္ကန့် ၃၀ လောက်ငြိမ်ထားပေးပြီး အခြားတစ်ဖက်ကိုလည်း ထိုနည်းအတိုင်း ပြုလုပ်ပေးပါ။

၇။ ဘေးဖက် အကြောလျှော့နည်း
ခြေထောက်နှစ်ဖက်ကို အနည်းငယ်ချဲထားပြီး ကိုယ်ခန္ဓာကို မတ်မတ်ရပ်ပါ။ ညာဖက်လက်က ဦးခေါင်းကို ကျော်ပြီး ကိုယ်ကိုဘယ်ဖက်သို့ ကိုင်းညွတ်ပါ။ ယခုနည်းအတိုင်း စက္ကန့် ၃၀ လောက်ငြိမ်ထားပြီး နောက်တစ်ဖက်ကိုလည်း ယခုအတိုင်း ပြုလုပ်ပေးပါ။

၈။ ဝမ်းဗိုက်အကြောလျော့နည်း
ပုံအတိုင်း ကြမ်းပြင်မှာ ဝမ်းလျားမှောက်အနေအထားနဲ့ လက်နှစ်ဖက်ကို ရှေ့ဖက်မှာ ထောက်ထားပေးပါ။ ပြီးလျှင် ဦးခေါင်းကိုမော့ပြီး ခန္ဓာကိုယ်ကို အပေါ်သို့ကွေးပါ။ ယခုအနေအထားနဲ့ စက္ကန့်၃၀ လောက်ကြာအောင် နေပေးပါ။

၉။ ကျောရိုး အကြောလျှော့နည်း
ပုံအတိုင်း ကြမ်းပြင်မှာဘေးစောင်း အနေအထားနဲ့ ဘယ်ဖက်ဒူးခေါင်းတစ်ဖက်ကို ရှေ့သိုထုတ်ထားပြီး ညာဖက်လက်က ထိန်းကိုင်ထားပေးပါ။ ပြီးလျှင်ကိုယ်လုံးကို အနောက်ဖက်သို့မျက်နှာပါလှည့်ပြီး စက္ကန့် ၃၀ လောက်ငြိမ်ထားပေးပါ။ အခြားတစ်ဖက်ကိုလည်း ယခုနည်းအတိုင်း ပြုလုပ်ပေးပါ။

၁၀။ အောက်ပိုင်းနောက်ကျော အကြောလျှော့နည်း
ပက်လက်အနေအထားနဲ့ ဒူးခေါင်းနှစ်ဖက်ကို ကွေးထားပြီး လက်နှစ်ဖက်က ယှက်ပြီး ဒူးခေါင်းကို ပွေ့ထားပါ။ နောက်ကျောအကြောပြေတဲ့ အနေအထားထိတင်းကျပ်ထားစွာ စက္ကန့် ၃၀ လောက်ကြာအောင်နေပေးပါ။

၁၁။ တင်ပါးအကြောလျှော့နည်း
ခြေထောက်နှစ်ဖက်ကို ရှေ့သို့ ခပ်ကျဲကျဲလှမ်းတဲ့ အနေအထားနဲ့ လက်နှစ်ဖက်က ခါးကိုထောက်ထားပေးပါ။ ပြီးလျှင် ခြေထောက်ကိုမရွှေ့စေပဲ ကိုယ်လုံးကို ရှေ့သို့တိုးပြီး အနောက်သို့ပြန်ဆုတ်ပါ။ စက္ကန့်သုံးဆယ်လောက်ပြုလုပ်ပြီးရင် အခြားတစ်ဖက်ကိုလည်း ထိုနည်းအတိုင်း ပြုလုပ်ပေးပါ။

၁၂။ ပေါင်အကြောလျှော့နည်း
ပုံပါအတိုင်း မတ်မတ်ရပ်ပြီး ညာဖက်ခြေထောက်ကို နောက်သို့ကွေးပြီး ညာဖက်လက်နဲ့ ခြေဖမိုးကိုဆွဲပေးပါ။ ယခုအနေအထားအတိုင်း စက္ကန့်သုံးဆယ်လောက်နေပြီး ဘယ်ဖက်ကို ပြုလုပ်ပေးပါ။

၁၃။ တံကောက်ကြော အကြောလျှော့နည်း
ခြေထောက်တစ်ဖက်က ရှေ့သို့ဆန်းထားပြီး အခြားတစ်ဖက်က ကွေးလျက်အနေအထားနဲ့ ကြမ်းပြင်ပေါ်မှာ ထိုင်ပါ။ လက်တစ်ဖက်က ခြေချောင်းတွေကနေ ကိုယ်လုံးဖက်ကိုဆွဲယူပြီး အခြားလက်တစ်ဖက်က ဆန့်လျက် ထိန်းထားပေးပါ။ စက္ကန့်၃၀ လောက် ယခုအနေအထားတိုင်းနေပြီး နောက်တစ်ဖက်ကိုလည်း ပြုလုပ်ပေးပါ။

၁၄။ ခြေသလုံးကြွက်သား အကြောလျော့နည်း


ခြေထောက်တစ်ဖက်ကို ဆန့်လျက်အနေအထား နဲ့ ကြမ်းပြင်မှာထိုင်ပြီး ကြိုးတစ်ချောင်းနဲ့ ခြေဖဝါးကနေ ဆွဲယူပေးပါ။ စက္ကန် ၃၀ လောက်ကြာအောင်ပြုလုပ်ပြီး အခြားတစ်ဖက်ကိုလည်း ပြုလုပ်ပေးပါ။
LM_Naung_Naung
Lifestyle_Myanmar

LEAVE A REPLY

Please enter your comment!
Please enter your name here