ငြိမ်ငြိမ်မနေတတ်တာ ကလေးတွေရဲ့ သဘာဝပါပဲ။ ကလေးဆိုတာ ဆော့ရင်း၊ ကစားရင်း ထိခိုက်မိတာတွေ ရှိနိုင်ပါတယ်။ မိဘတွေဟာ ကလေးတွေရဲ့ လှုပ်ရှားမှုတစ်ခုစီတိုင်းကို ထိန်းချုပ်လို့မရနိုင်တာကြောင့် သူတို့အတွက် အချို့အန္တရာယ်များနှင့် ကြုံတွေ့ရနိုင်ပါတယ်။ ဒီအရွယ်မှာ သူတို့ဘာသာသူတို့ ဆော့ရင်းထိခိုက်မိတာက ပုံမှန်ဖြစ်ပေမယ့် ဒါကိုဘယ်လိုရှောင်ရှားရမလဲဆိုတာ သင်သိသင့်ပါတယ်။
ကလေးတွေဟာ သဘာဝအားဖြင့် အပြစ်ကင်းစင်သူတွေဖြစ်ပါတယ်။ သူတို့ပတ်ဝန်းကျင်က အန္တရာယ်ကို သတိပြုမိမှာ မဟုတ်ပါဘူး။ သူတို့ဟာ အမြင့်တစ်ခုခုပေါ်သာ တတ်ချင်ကြတာ ကြမ်းပြင်ပေါ်က ကစားစရာကို မြင်မှာမဟုတ်ပါဘူး။ အများအားဖြင့် ပိုပြီးလွတ်လပ်တဲ့ကမ္ဘာကြီးကို စတင်ရှာဖွေတဲ့အချိန် ၆လကနေ ၄နှစ်အကြားကလေးတွေမှာ ဒီအန္တရာယ်ကို ကြုံရပါတယ်။ ပုံမှန်ပေါက်ပြဲယုံဆိုရင် စိုးရိမ်စရာမရှိပေမယ့် မာကျောတဲ့အရာတစ်ခုခုနှင့် ဦးခေါင်းကို ထိခိုက်မိခဲ့ရင် စိုးရိမ်စရာဖြစ်နိုင်ပါတယ်။ ဒီတော့ သင့်ရဲ့ကလေး ဦးခေါင်းမှာ ထိခိုက်ဒဏ်ရာ ရခဲ့ရင် ဘယ်လို လုပ်ရမလဲဆိုတာ ဖတ်ကြည့်ပါဦးနော်။
သင့်ရဲ့အိမ်မှာ ဘယ်နေရာတွေက ကလေးတွေအတွက် အန္တရာယ်ဖြစ်စေလဲဆိုတာ သိထားဖို့ အရေးကြီးပါတယ်။ ဒါမှသာ သင့်ကလေး လဲကျခြင်း၊ သူတို့ဘာသာသူတို့ ထိခိုက်မိခြင်းမှ ကာကွယ်ပေးနိုင်ပါတယ်။
ကလေး ဦးခေါင်းထိခိုက်မိလျှင် ဘယ်လိုကူညီပေးလို့ရမလဲ?
သင့်ကလေးဟာ သူ့ဘာသာသူ ဘယ်လိုထိခိုက်မိလဲဆိုတာ သိရပါမယ်။ ဘယ်လိုစောင့်ရှောက်မှုအမျိုးအစားပေးရမလဲဆိုတာ သိဖို့ အရေးကြီးပါတယ်။ မတော်တဆအများစုက သူတို့ထိခိုက်မိတဲ့နေရာမှာ နာကျင်မှု၊ ဒဏ်ရာနှင့် အညိုအမဲကဲ့သို့ သူတို့ခေါင်းပေါ်မှာ ပြင်ပဒဏ်ရာကိုသာ ဖြစ်ပေါ်စေနိုင်ပါတယ်။
ဒီအဆင့်တွေက လိုက်နာဖို့ အရမ်းလွယ်ကူပါတယ်။
ပထမဆုံး သင့်ကလေးကို တိတ်ဆိတ်၊ ငြိမ်သက်တဲ့နေရာမှာ ထားပါ။
သူတို့ခေါင်းကို ပင့်ထားရင်း သူတို့ ထိခိုက်မိတဲ့ နေရာက ရောင်နေလျှင် ပုဝါတစ်ခုထဲ ရေခဲထုပ်ပြီး ကပ်ထားပေးပါ။
ပြီးနောက် သူတို့ အန်ခြင်းဖြစ်နိုင်ချေကို လျော့ချဖို့ ရေအနည်းငယ်တိုက်ပါ။ ဦးခေါင်းဒဏ်ရာ အပြင်းအထန် ထိခိုက်မိတဲ့သူတွေမှာတော့ ဆက်တိုက်အန်တာတွေ ဖြစ်နိုင်ပါတယ်။
အရေးကြီးဆုံးအရာက ကလေးကို ငြိမ်ငြိမ်နေစေဖို့ ဖြစ်ပါတယ်။ ထိခိုက်မှုရဲ့ပြင်းထန်မှုနှင့် အမျိုးအစားပေါ်မှုတည်ပြီး နောက်ထပ်နည်းလမ်းအချို့ကို သုံးနိုင်ပါတယ်။
ပြတ်ရှဒဏ်ရာတွေဆိုရင် ဘာလုပ်မလဲ?
သူတို့မှာ ပြတ်ရှဒဏ်ရာတွေ ရှိပါက ရေသန့်သန့်နှင့် ဒဏ်ရာကို ဆေးကြောပေးသင့်ပါတယ်။ မတော်တဆမှာ ကျိုးပဲ့သွားတဲ့ အရာဝတ္တုများရှိလျှင် ဒဏ်ရာမှာ အပိုင်းအစတွေ မကျန်ခဲ့စေဖို့ သေချာစစ်ဆေးပါ။ သွေးထွက်တာကို ရပ်တန့်ဖို့ ဟိုက်ဒရိုဂျင်ပါအောက်ဆိုဒ်စိမ်ထားတဲ့ ပိတ်ကျဲစတစ်စကို အသုံးပြုပါ။ ပြတ်ရှဒဏ်ရာက နက်လျှင် ချုပ်ဖို့လိုအပ်တာကြောင့် ဆရာဝန်ဆီသို့ သွားသင့်ပါတယ်။
အညိုအမဲဖြစ်ရင် ဘာလုပ်မလဲ?
သင့်ကလေးမှာ အညိုအမဲဖြစ်လျှင် လုပ်ထုံးလုပ်နည်းကတော့ ရိုးရှင်းပေမယ့် အများကြီးဂရုစိုက်ဖို့ လိုအပ်ပါတယ်။
ညိုမဲနေတဲ့ နေရာကို ရေခဲကပ်တဲ့အခါ ဒဏ်ရာအရွယ်အစား ဒါမှမဟုတ် ရောင်ရမ်းခြင်းဟာ လျှော့ကျသွားသင့်ပါတယ်။ အရွယ်အစားနဲ့ ရောင်ရမ်းမှုက ပိုဆိုးလာပါက ဆရာဝန်ဆီကို သွားတာ အကောင်းဆုံးပါ။ ဒါမှသာ အဓိကပြဿနာတွေကို တားဆီးကူညီပေးပါလိမ့်မယ်။
စောင့်ကြည့်ရမယ့် လက္ခဏာများ
ခေါင်းကိုထိခိုက်မိတာက ကလေးတွေနဲ့ လူကြီးတွေအတွက် ဆိုးဝါးတဲ့ ဒဏ်ရာအများစုထဲက တစ်ခုဖြစ်ပါတယ်။ ဦးခေါင်းဟာ့ ဦးနှောက်ရဲ့ အိမ်ဖြစ်တာကြောင့် သင့်ကလေး မတော်တဆဖြစ်ပြီးရင် (၄၈)နာရီ စောင့်ကြည့်ဖို့က အရေးကြီးပါတယ်။
သင်စောင့်ကြည့်သင့်တဲ့ လက္ခဏာတစ်ခုက ငိုက်မြည်းခြင်း ရှိ/မရှိ ဖြစ်ပါတယ်။ ကလေးကို မအိပ်စေနဲ့လို့ မဆိုလိုပါဘူး။ ကလေးရဲ့အိပ်ချိန်ဖြစ်လျှင် သူတို့ကို ပေးအိပ်ပါ။ မနိုးပါနဲ့။ သူတို့နိုးမှသာ ပုံမှန်လှုပ်ရှားမှုရှိလား/မရှိလားဆိုတာ စောင့်ကြည့်ပါ။
ပျို့အန်ခြင်း၊ အမြင်မှုန်ဝါးခြင်း ဒါမှမဟုတ် ဘယ်နေရာရောက်လို့ ရောက်နေမှန်းမသိတာတွေက စောင့်ကြည့်ရမယ့် တခြားလက္ခဏာများဖြစ်ပါတယ်။ ဒီအခြေအနေကို ဂရုတစိုက်နှင့် စောင့်ကြည့်သင့်ပါတယ်။
သူတို့မှာ ခေါင်းကိုက်တာတို့၊ ခြေဖျားလက်ဖျား ထုံတာတို့ ခံစားမိလျှင် စစ်ဆေးပါ။ ဒီလက္ခဏာတွေထဲက ဘယ်လက္ခဏာမဆို ပေါ်လာလျှင် ဆရာဝန်ဆီသွားပါ။ ဦးနှောက်ထိခိုက်မှု ဖြစ်နိုင်ချေရှိမရှိကို ဆရာဝန်စမ်းသပ်မှုပြုဖို့ လိုအပ်ပါတယ်။
နိဂုံး
သင့်ကလေးရဲ့ ယေဘုယျအခြေအနေက ပိုဆိုးလာလျှင် ဆေးရုံ/ဆေးခန်းသွားသင့်တယ်ဆိုတာ သတိပြုဖို့ အရေးကြီးပါတယ်။ ဒါက ချက်ချင်းဖြစ်ပျက်တာ၊ ဒါမှမဟုတ် မတော်တဆထိခိုက်မှုဖြစ်ပွားပြီး ၄၈နာရီအတွင်း ရှိမရှိဆိုတာ အလွန်အရေးပါပါတယ်။ သင့်ကလေးကို မတော်တဆမှုတွေက ကာကွယ်ဖို့ဆိုရင် သူတို့ကစားတဲ့ နေရာ ပတ်ဝန်းကျင်ကို ကြည့်သင့်ပါတယ်။ ကလေးနားမှာ အန္တရာယ်ဖြစ်စေမယ့် အရာတွေ မထားပါနဲ့။
#Lifestyle_Myanmar
#LM_Nandar
Source-steptohealth
