သင့်ရဲ့ကိုယ်နေဟန်ထားကို တိုးတတ်စေနိုင်တဲ့ တစ်နေ့ ၂မိနစ်လေ့ကျင့်ခန်း

0
180
- Advertisement -

ကိုယ်နေဟန်ထားအားနည်းခြင်းက လည်ပင်နာကျင်ခြင်း၊ ခေါင်းကိုက်ခြင်း၊ အသက်ရှုပြဿနာတွေအပြင် စိတ်ခံစားချက်အပြောင်းအလဲများနှင့် မိမိကိုယ်ကို လေးစားမှုနိမ့်ကျင်ခြင်းအထိ နည်းလမ်းအမျိုးမျိုးဖြင့် သင့်ကျန်းမာရေးကို ထိခိုက်စေနိုင်ပါတယ်။ ဒီပြဿနာတွေ အားလုံးကို ရှောင်ရှားပြီး သင့်အလှအပကို ပြန်လည်ရယူဖို့အတွက် eagle pose လေ့ကျင့်ခန်းကို နေ့တိုင်း ၂မိနစ်လောက် လုပ်ပေးနိုင်ပါတယ်။

-Advertisement-

အဆင့်၁

ကြမ်းပြင်ပေါ်မှာ ခြေစုံရပ်ပါ။ ပခုံးအမြင့်အတိုင်း လက်မောင်းကို ဆန့်တန်းပါ။ ဘယ်ဘက်တံတောင်ဆစ်ကို ညာဘက်တံတောင်ဆစ်အောက်မှာထားပြီး cross အနေအထားအတိုင်း လုပ်ပါ။

အဆင့်၂
လက်နှစ်ဖက်ကို ဖြည်းဖြည်းချင်းလိမ်ပြီး လက်ဖဝါးနှစ်ခုကို ပူးနိုင်အောင်လုပ်ပါ။ တံတောင်ဆစ်ကို အနည်းငယ်မြှောက်ပါ။ လက်ချောင်းတွေကို မျက်နှာကြက်ဆီသို့ ဆန့်ထားပါ။ သင့်ကျောကို မတ်မတ်ထားပြီး ခေါင်းကိုလည်း မတ်မတ်ထားရပါမယ်။

အဆင့်၃

သင့်လက်တွေကို ယှက်ထားတဲ့အနေအထားအတိုင်းပဲ ဒူးကိုအနည်းငယ်ကွေးပါ။ ညာဘက်ခြေထောက်ကို ကြမ်းပြင်ပေါ်မှာ ချထားပြီး ဘယ်ဘက်ခြေထောက်ကို ညာဘက်ခြေထောက်မှာ ချိတ်ပါ။ ခြေဖျားကို ညာခြေရဲ့နောက်သို့ ပို့ထားပါ။

ပေါင်နှစ်ဘက်က တင်းကြပ်စွာ ထိကပ်နေရပါမယ်။ ပေါင်အတွင်းသားမှာ ညှစ်အားတစ်ခုဖြစ်နေပါလိမ့်မယ်။ ချောချောမွေ့မွေ့အသက်ရှူရှိုက်ပြီး သင့်ကျောရိုးကို တတ်နိုင်သလောက် ဆန့်အောင်လုပ်ပါ။
ဒီ pose ကို၃၀-၆၀စက္ကန့်လောက် balance ဖြစ်အောင်ထိန်းထားပါ။ ပြီးမှ ခြေထောက်နှင့် လက်တွေကို ဖြည်းဖြည်းချင်း ဖြည်ပြီး နောက်တစ်ဖက်ကို ပြန်လုပ်ပါ။

စပြီးလုပ်မယ့်သူတွေအတွက် သိကောင်းစရာများ

ဒီ pose ကိုဟန်ချက်ညီအောင် ထိန်းထားဖို့ ခဲယဉ်းပါက သင့်ကျောကို နံရံမှာကပ်ထားပါ။
ခြေသလုံးကို ပတ်ပြီးခြေထောက် မချိတ်နိုင်လျှင် တင်ပါးကို နည်းနည်းနိမ့်ထားပြီး ခြေထောက်ချိတ်ထိုင်တဲ့ ပုံစံမျိုး ပြုလုပ်ပေးပါ။

ဒါက သင့်ခန္ဓာကိုယ်အတွက် ဘာ့ကြောင့်ကောင်းတာလဲ

သင့်ရဲ့ကိုယ်ဟန်အနေအထားကို ပြုပြင်ပေးတဲ့အပြင် လင်းယုန် pose ကအောက်ပါအကျိုးကျေးဇူးများလည်း ယူဆောင်လာနိုင်ပါတယ်။

ဟန်ချက်ညီမှုနှင့် ညှိနှိုင်းဆောင်ရွက်မှုကို တိုးတတ်စေခြင်း

အာရုံစူးစိုက်မှု ပိုကောင်းလာစေခြင်း

ပေါင်၊ ခြေကျင်းဝတ် နှင့်ခြေသလုံးတွေကို သန်မာစေခြင်း

တင်ပါး၊ ပေါင်၊ ပခုံးနှင့် နောက်ကျောကို ဆန့်စေခြင်း

ကိုယ်ခံအားစနစ်ကို လှုံ့ဆော်ပေးခြင်း

သတိပေးချက်- သင့်မှာ မကြာသေးခင်က ဒူး၊ ခြေထောက်၊ ပခုံး (သို့) တံတောင်ဆစ်မှာ ဒဏ်ရာရရှိခဲ့ပါက ဒီလေ့ကျင့်ခန်းပြုလုပ်တာကို ရှောင်ပါ။ အကယ်၍ သင့်မှာ သွေးပေါင်ကျတာ (သို့) နားအတွင်းပိုင်းပြဿနာများကဲ့သို့သော ဟန်ချက်ညီမှုကို သက်ရောက်စေတဲ့ အခြေအနေတစ်ခုခုရှိပါက နံရံနှင့်ကပ်ပြီး လုပ်ပါ. ကိုယ်ဝန်ဆောင်ချိန်နှောင်းပိုင်းမှာဆိုရင် ဒီလေ့ကျင့်ခန်းလုပ်ဖို့ အကြံမပြုပါဘူး။

Lifestyle_Myanmar

LM_Nandar

Source-brightside

- Advertisement -

LEAVE A REPLY

Please enter your comment!
Please enter your name here