တစ်ခါတရံမှာ ပါရမီရှိသောအမျိုးသမီးတွေဟာ ပါရမီတွေပြည့်ဝနေပေမယ့် လူ့ပတ်ဝန်းကျင်မှာတော့ နာကျင်မှုတွေကို တစ်ခြားလူတွေထက် ပိုမိုခံစားရတတ်ပါတယ်။ တိကျသော ရှုပ်ထွေးမှုတွေနဲ့ ပြဿနာများစွာကို ရင်ဆိုင်ကြရပါတယ်။ အသိပညာပိုင်းမှာရော၊ အလုပ်လုပ်နိုင်စွမ်းတွေ၊ ဘဝရဲ့ စိတ်ဝင်စားစရာအပိုင်းတွေမှာ သူတို့တွေဟာ သင်ယူလွယ်ပြီး တစ်ခြားလူတွေထက် ထူးချွန်ထက်မြက်လွယ်သူတွေဖြစ်ကြပါတယ်။ မတူကွဲပြားသည့် ဘာသာရပ်နယ်ပယ်တွေမှာလည်း အောင်မြင်မှုများစွာရရှိနိုင်သူတွေဖြစ်ပါတယ်။

သို့ပေမယ့် dating ကာလတွေမှာ ကံဆိုးသူတွေဖြစ်တတ်ပါတယ်။ တစ်ဆက်တည်းမှာပဲ ပါရမီရှင်အမျိုးသမီးတွေရဲ့ စွမ်းရည်နိမ့်ကျရခြင်းအဓိကအကြောင်းရင်းက relationship တစ်ခုမှာ အဓိပ္ပာယ်မရှိဘဲ ကိုယ့်ဘက်က ရှုံးနိမ့်မယ်ဆိုရင်တောင် ရူးရူးမိုက်မိုက်ဇွတ်တိုးဝင်တတ်ကြတာပဲဖြစ်ပါတယ်။ ဒီကနေ့မှာ ပါရမီရှိသော အမျိုးသမီးတွေရဲ့ ရင်ဆိုင်ရလေ့ရှိသော လက္ခဏာတစ်ချို့ကို မျှဝေပေးချင်ပါတယ်။

၁။ ရှုတ်ထွေးပြီးနက်ရှိုင်းလွန်းသော အတွေးများရှိခြင်းနှင့် ပြင်းထန်သော စိတ်ခံစားမှုတွေကို ခံစားရခြင်း
၂။ သင်ယူခြင်းနှင့် ဖွံ့ဖြိုးတိုးတက်ရေးမှာ စိတ်ဆန္ဒစောခြင်း၊ အသိပညာဗဟုသုတရှာဖွေဖို့ ဝါသနာပါသူတွေဖြစ်ပြီး အချစ်ရေးမှာ ရှုတ်ထွေးလွန်းသော စိတ်ကူးယဉ်မှုများရှိခြင်း
၃။ စည်းစနစ်ကျခြင်း၊ လော့ဂျစ်ကျခြင်းနှင့် အရာရာတိုင်းကို ကျိုးကြောင်းဆင်ခြင်ဆက်စပ်ပြီး အဓိပ္ပာယ်ဖွင့်တတ်ခြင်း

၄။ ငယ်ရွယ်စဉ်ကတည်းက လွတ်လပ်သော တွေးခေါ်တတ်သူဖြစ်ခြင်းနှင့် ကိုယ့်ခြေထောက်ပေါ် ရပ်တည်တတ်ခြင်း
၅။ မြင့်မားသော လူနေမှုစံနှုန်းနှင့် မြင့်မားသော ကိုယ်ကျင့်တရားဆိုင်ရာ စည်းမျဉ်းတွေအတိုင်း နေထိုင်ခြင်း
၆။ ကမ္ဘာကြီးရဲ့ အခြေအနေနဲ့ ပတ်သက်ပြီး တစ်ခါတရံမှာ ဝမ်းနည်းခြင်းနှင့် စိတ်ရှုတ်ထွေးနေတတ်ခြင်း

၇။ ကမ္ဘာကြီးကို အဓိပ္ပာယ်ဖွင့်ဆိုတဲ့နေရာမှာ သူမရဲ့ နက်ရှိုင်းသော စိတ်ခံစားချက်များကို အသုံးပြုခြင်းနှင့် အနုပညာဖန်တီးမှုမှာ သူမရဲ့ ဉာဏ်ရည်ကို အသုံးပြုနိုင်ခြင်း
၈။ သူမမှာ Yin ရော Yang ပါ ပိုင်ဆိုင်တာကြောင့် စိတ်ဓာတ်ပြတ်သားခြင်းနှင့် သည်းခံနိုင်ခြင်း၊ တစ်ဦးတည်းလွတ်လပ်စွာလုပ်ကိုင်နိုင်ခြင်းနှင့် တစ်ခြားလူတွေနဲ့ တွဲဖက်အလုပ်လုပ်နိုင်ခြင်း၊ စွန့်စားမှုနှင့် ယုံကြည်စိတ်ချရမှု၊ ရဲရင့်ခြင်းနှင့် ကြင်နာတတ်မှုစတဲ့ ဆန့်ကျင်ဘက်ကိစ္စရပ်တွေမှာ ပိုင်နိုင်သူတွေလည်းဖြစ်ခြင်း
၉။ ပြောင်းလဲခြင်းနှင့် လက်ခံနိုင်ခြင်းတို့အကြား ကောင်းကောင်းကိုင်တွယ်နိုင်သူတွေဖြစ်ပြီး ခွင့်လွှတ်ခြင်းနှလုံးသားနှင့်အတူ မှန်ကန်မှုတွေကို မြတ်နိုးသူတွေဖြစ်ခြင်း

လေ့လာမှုတွေအရ မိန်းကလေးတွေဟာ အရွယ်ရောက်လာတာနဲ့အမျှ မိမိကိုယ်ကိုယ်လေးစားမှုတွေကျဆင်းသွားကြပါတယ်။ ရွယ်တူယောင်္ကျားလေးတွေနဲ့ နှိုင်းယှဉ်တိုင်း သူတို့ကိုယ်သူတို့ စွမ်းရည်မပြည့်ဝသူတွေအဖြစ် ထင်မှတ်ကြပါတယ်။

ပါရမီရှင်အမျိုးသမီးတွေရင်ဆိုင်ရသော စိတ်ပိုင်းဆိုင်ရာအခက်အခဲများ

၁။ Imposter Syndrome

Imposter Syndrome ဆိုတာ လူတစ်ဦးရဲ့ စွမ်းဆောင်နိုင်မှုတွေနဲ့ အောင်မြင်မှုတွေကို သံသယဝင်စေတဲ့ လက္ခဏာဖြစ်ပြီး ပါရမီရှင်အမျိုးသမီးတွေမှာ ဖြစ်လေ့ရှိပါတယ်။ ၁၉၇၈ ခုနှစ်မှာ impostor syndrome ကို သုတေသနပြုခဲ့သည့် Clance and Imes မှ အောင်မြင်သူအမျိုးသမီးတွေဟာ မိမိကိုယ်ကိုယ်သံသယရှိလာပြီး သူတို့ရဲ့ အောင်မြင်မှုတွေကို ကောင်းကောင်းမသုံးသပ်နိုင်တဲ့ အမျိုးသမီးတွေမှာ တွေ့ရတတ်ပါတယ်။

သူတို့ရဲ့ အောင်မြင်မှုတွေနဲ့ပတ်သက်ပြီး ဂုဏ်ယူရမယ့်အစား သူတို့ရဲ့ ကျရှုံးမှု၊ လိမ်လည်မှုနှင့် လှည့်စားတတ်မှုတွေအဖြစ် ထင်မှတ်တတ်ကြပါတယ်။ အမျိုးသားတွေဟာ သူတို့ရဲ့ အောင်မြင်မှုနဲ့ ပတ်သက်ပြီး သူတို့ရဲ့ ကိုယ်ပိုင်စွမ်းရည်တွေနဲ့ အရည်အချင်းတွေကြောင့်လို့ ယုံကြည်ကြပေမယ့် အမျိုးသမီးတွေကတော့ ကံတရားတွေနဲ့ ပြင်ပအကူအညီတွေကြောင့်လို့ ပိုပြီးတွေးတတ်ကြပါတယ်။ ကိုယ်တိုင်အရည်အချင်းရှိတာကြောင့်မဟုတ်ဘဲ ကံကောင်းလို့ဆိုတာမျိုး ယုံကြည်တတ်ကြတာကြောင့် imposter syndrome လို့ ဆိုလိုပါတယ်။

၂။ အောင်မြင်မှုကို ကြောက်စိတ်

မည်သူမှ သတိမထားမိခင်မှာ အမျိုးသမီးများစွာဟာ အောင်မြင်မှုကို ကြောက်နေတတ်ပါတယ်။ သဘာဝတရားကြောင့်ဖြစ်စေ၊ ပြုစုပျိုးထောင်ခြင်းကြောင့်ဖြစ်စေ သူတို့ဟာ ဆက်ဆံရေးတွေကို တန်ဖိုးထားတတ်ပြီး တစ်ဖက်လူတွေရဲ့ အမြင်တွေကို ထည့်သွင်းစဉ်းစားတတ်ပါတယ်။ လူအများက ”ပါရမီရှိသူတွေ” လို့ခေါ်ကြတဲ့အခါ ကြီးလေးသော ဝန်ထုပ်ဝန်ပိုးကြီးလို ရှုမြင်ကြပါတယ်။

၃။ လူမှုရေးကိစ္စတွေမှာ အထိအခိုက်မခံခြင်း

ဒီလိုအမျိုးသမီးတွေကြုံတွေ့ရတဲ့ ပြဿနာနောက်တစ်ခုက အမျိုးသားတွေနဲ့ တစ်ခြားအမျိုးသမီးတွေရဲ့ မနာလိုခြင်းကို အဆက်မပြတ်ခံနေရတာဖြစ်ပါတယ်။ ဒီအတွက် လူမှုရေးကိစ္စတွေမှာ အဆင်ပြေပြေနေနိုင်စေဖို့ သူတို့ရဲ့ စွမ်းရည်တွေနဲ့ အရည်အချင်တွေကို ဖုံးကွယ်ပြီး နေထိုင်ကြပါတယ်။ Director Ida Lupino က ” အမျိုးသားတွေက တကယ်တော့ ထက်မြက်ပြီး ဆရာကြီးလုပ်တတ်တဲ့ မိန်းကလေးတွေကို မုန်းကြတယ်၊ အဲ့ဒါကြောင့် ငါ့လုပ်နိုင်စွမ်းတွေကို လျှော့ချပြီး ကိုယ့်ကိုယ်ကိုယ်ကာကွယ်ရတယ်”။ ဒီလိုပါရမီရှိသော အမျိုးသမီးတွေဟာ သူတို့ရဲ့ စွမ်းရည်တွေကို ဖုံးကွယ်စွာ နေထိုင်ကြပြီး နောက်ဆုံးမှာတော့ သူတို့ရဲ့ အရည်အသွေးတွေက အလိုလိုပျောက်ကွယ်သွားပါတော့တယ်။

၄။ romantic ဆန်တဲ့ ဆက်ဆံရေးတွေထဲကို ဝင်ရောက်ဖို့ ခက်ခဲသူတွေဖြစ်ပါတယ်

ကံမကောင်းစွာနဲ့ပဲ ယဉ်ကျေးမှုများစွာဟာ အလုပ်ကိစ္စတွေနဲ့ လက်ထပ်ဖို့ကိစ္စနှစ်ရပ်မှာ တစ်ခုခုကို ရွေးချယ်ဖို့ ဖိအားပေးနေဆဲဖြစ်ပါတယ်။ အထူးသဖြင့် မဝါဒီတွေနဲ့ အာရှယဉ်ကျေးမှုတွေကတော့ လက်ထပ်ထိမ်းမြားမှုကဲ့သို့သော ”လူမှုဆက်ဆံရေးတာဝန်တွေ” ကို ဦးစားပေးဖို့ ဖိအားပေးခံရပြီး အမျိုးသမီးတွေရဲ့ ကိုယ်ပိုင်တီထွင်ဖန်တီးမှုတွေအတွက် အချိန်နှင့် ခွန်အားတွေက နည်းသထက်နည်းလာပါတော့တယ်။ ပါရမီရှိသော အမျိုးသမီးတွေကတော့ သူတို့ရဲ့ ကိုယ်ပိုင်ဆန္ဒတွေကို ရွေးချယ်ဖို့ လိုအပ်နေတယ်လို့ ခံစားနေရဆဲဖြစ်ပါတယ်။ ဒါ့ကြောင့် သူတို့ရဲ့ ဘဝတစ်ခုလုံးပေးလိုက်ဖို့ဆိုတာ မဖြစ်နိုင်ဘဲ တစ်ယောက်တည်းရှင်သန်ရမယ့်လမ်းကိုသာ ရွေးချယ်ကြပါတယ်။