ဆံကေသာအလှအပနဲ့ အသားအရေအတွက် အထူးကောင်းမွန်စေဖို့ အိမ်တွင်းနည်းလမ်းကောင်းတွေ

0
970

၁။ မျက်နှာကြည်လင်ပြီ အမည်းစက်မရှိအောင် ထိန်းသိမ်းနည်း

-Advertisement-

(က) သစ်ချပိုးခေါက်ကိုသွေးပြီး ပျားရည်ဖြင့် အချိုးတူရောစပ်ပြီး သင်မျက်နှာကို သုတ်လိမ်းပေးပါ။ ၁၀မိနစ်ကျမှ သင်မျက်နှာကို သန့်စင်ဆေးကြေားပေးပါ။ မွှေးညင်းပေါက်အတွင်းအညစ်အကြေးတွေကို ကင်းစင်စေပြီး အသားအရေကိုပိုပြီး တောက်ပစေပါတယ်။

(ခ) ပထမဦးစွာ သင့်မျက်နှာကို သန့်စင်ခြောက်သွေ့အောင် အရင်ထားပါ။ ပြီးလျှင် သံပုရာရည်ထဲသို့ ပျားရည် တစ်ဇွန်းရောထည့်ပြီး သမအောင်မွှေပေးပါ။ ပြီးလျှင် အဆိုပါ ပျားရည်နဲ့သံပုရာပေါင်းစပ်ထားတဲ့ဖျော်ရည်ကို သင့်မျက်နှာပေါ်မှာ မိနစ် ၂၀ခန့်ကြာအောင်သုတ်လိမ်းပေးလိုက်ပါ။ တစ်ပတ်ကို ၁ကြိမ် ၂ကြိမ်ထိပြုလုပ်နိုင်ပြီး မျက်နှာရဲ့ အမည်းစက်နဲ့ ချွေးပေါက်များကင်းစင်စေပြီး အရည်ပြားကိုကြည်လင်စေပါတယ်။
(ဂ) အက်စပရင်အမှုန့် လက်ဖက်စားဇွန်း ၂ဇွန်းကို သံပုရာရည် ၄-၅ ပေါက်နဲ့ ပျားရည်တို့ ရောနှောပြီး ညအိပ်ယာဝင်တဲ့အခါ သင့်မျက်နှာပေါ်မှာ သုတ်လိမ်းပေးလိုက်ပါ။ အဖုအပိတ်များထွက်ခြင်းကြောင့် ရောင်ရမ်းခြင်းတို့ကို အချိန်တိုအတွက် သက်သာစေပါတယ်။

၂။ အမည်းစက်တွေကြောင့် အရောင်မထွက်ဘဲ မည်းညစ်နေသူတွေအတွက်

(က)မျက်နှာက ဝက်ခြံတွေ ပျောက်သွားပေမဲ့ အမည်းစက်တွေကျန်ပြီး မျက်နှာက အရင်လို မဖြူတော့သူတွေအတွက် အိမ်တွင်းပြုလုပ်နိုင်မဲ့ လွယ်ကူတဲ့နည်းလမ်းလေးပဲဖြစ်ပါတယ်။ ပထမဦးစွာ ပျားရည် လက်ဖက်စားဇွန်းတစ်ဝက်၊ သံပုရာရည်လက်ဖက်စားဇွန်း တစ်ဇွန်း၊ သဘာဝဒိန်ချဉ်လက်ဖက်စားဇွန်းတစ်ဇွန်းကို ရောသမမွှေပြီး သင့်မျက်နှာပေါ်မှာ မိနစ် ၂၀လောက် သုတ်လိမ်းပေးပါ။ တစ်ပတ်ကို ၁ကြိမ်/ ၂ကြိမ်ထိပြုလုပ်နိုင်ပြီး အမည်းစက်နဲ့ မလိုချင်တဲ့ အသားအရေ ညစ်ထေးမှုကို အလွယ်တကူပပျောက်အောင် ကူညီပေးပါတယ်။

(ခ) မျက်ကွင်းနေရာတစ်ဝှိုက်အညိုကွက်တွေအတွက် ပျားရည်လက်ဖက်စားဇွန်း တစ်ဇွန်း၊ လတ်ဆတ်တဲ့ သခွားသီးဖျော်ရည် တစ်ဇွန်း၊ အာလူးဖျော်ရည် ၁ဇွန်း တို့ကို ရောဖျော်ပြီး သင့်ရဲ့ မျက်ကွင်းနေရာတစ်ဝှိုက်ကို သုတ်လိမ်းပေးပါ။ မိနစ်အနည်းငယ်ကြာမှ သင့်မျက်နှာကိုရေအေးဖြင့်ဆေးကြောသန့်စင်ပေးလိုက်ပါ။

၃။ ဖြူတာထက် အသားရောင်ဝင်းဝါချင်သူတွေအတွက်

(က) အသားရောင်ကို ဖြူတာထက် ဝင်းဝါးချင်သူတွေအတွက် ပြုလုပ်ရမဲ့နည်းလမ်းကောင်းလေး ပေးလိုက်မယ်နော်။ ဒါကတော့ ပထမဦးဆုံး ပျားရည် လက်ဖက်စားဇွန်း ၂ဇွန်း၊ နွားနို့ လက်ဖက်စားဇွန်း ၂ဇွန်းကို ရောနှောပြီး ထိုရောနှောထားတဲ့ အရည်ကို ဝါဂွမ်းစဖြင့်စွတ်ပြီးသင့်မျက်နှာပေါ်မှာ ၁၀မိနစ်လောက် အချိန်ပေးပြီး ပွတ်တိုက်ပေးလိုက်ပါ။ ပြီးမှ ရေဖြင့်ဆေးကြောသန့်စင်ပေးပါ။ ဝင်းဝါစေတဲ့အပြင် အသားအရေကို တင်းရင်းစေပြီး အရေးကြောင်းတွေကိုလည်း ပပျောက်စေပါတယ်။

(ခ) အရေပြားအတွက် လိုအပ်တဲ့အဟာရနဲ့ အစိုဓာတ်ကို ရရှိဖို့ ပျားရည် ၁ဇွန်းနဲ့ သဘာဝရှားစောင်းလက်ပတ်ဂျယ် ၁ဇွန်းရောနှောပြီး အရေပြားကို သုတ်လိမ်းပေးပါ။ ဒါ့အပြင် အဆိုပါ ရှားစောင်းလက်ပတ်နွှာပြီးသာအခွံကို သံလွင်ဆီအနည်းငယ်ထည့်ပြီး သင့်မျက်နှာပေါ်မှာဖုံးအုပ်ထားပြီး ပေါင်းတင်ပေးလို့လည်းရပါတယ်။

၄။ နုဖက်ပြီး သဘာဝအတိုင်း နှုတ်ခမ်းရဲချင်သူတွေအတွက် သတင်းကောင်း

နှုတ်ခမ်းနီမဆိုးဘဲ သဘာဝအတိုင်း နှုတ်ခမ်းရဲရဲလေးဖြစ်ချင်နေရင်တေ့ အခုပေးမဲ့ သဘာဝနည်းလမ်းလေးကို လုပ်ကြည့်လိုက်နော်။ ပျားရည်၊ သကြားနဲ့ သံလွင်ဆီ ဒါမှမဟုတ် အညိုရောင်သကြား၊ ပျားရည်၊ Vaseline ဆီကိုလည်း အသုံးပြုနိုင်ပါတယ်။

အဆိုပါအရောအနှောထဲသို့စိုစွတ်တဲ့ သွားတိုက်တံကို နှစ်ပြီး သင့်နှုတ်ခမ်းကို ၂မိနစ်လောက်ကြာအောင် ပွတ်တိုက်ပေးပါ။ ပြီးလျှင် သင့်ရဲ့ နှုတ်ခမ်းကို ဆေးကြောသန့်စင်ပေးလိုက်ပါ။ သွားတိုက်တံကိုလည်း ဆေးကြောသန့်စင်ပြီး နောက်တစ်ကြိမ် သင့်နှုတ်ခမ်းကို ပွတ်တိုက်ပေးပါ။ နှုတ်ခမ်းကို ပျော့ပြောင်းနုဖက်စေပြီး နှုတ်ခမ်းနီမဆိုးဘဲ သဘာဝအတိုင်းရဲနေတာကို တွေ့ရပါလိမ့်မယ်။

၅။ ပျော့ပြောင်းပြီး အုံထူထူ ဆံပင်တွေကို ပိုင်ဆိုင်ချင်သူတွေအတွက်

(က) နက်မှောင်ပြီးဆံသားပျော့ပြောင်းစေဖို့အတွက် ကြက်ဥတစ်လုံးနဲ့ အချိုတူး ပျားရည်ကို ရောစပ်ပြီး သင့်ဆံပင်ကို မိနစ် ၃၀ခန့် ပေါင်းတင်ထားပေးပါ။
(ခ) အုံထူထူနဲ့ ဆံသားတောက်ပဖို့အတွက် ပျားရည်နှစ်ဇွန်း၊ သံလွင်ဆီ ၁ဇွန်းကို ရောနှောပြီး သင့်ဆံပင်ကို မိနစ် ၃၀ခန့်သုတ်လိမ်းထားပေးပါ။

(ဂ) ဆံသားခိုင်ခံခြင်း၊ တောက်ပခြင်းနဲ့ ဆံသားကြီးထွားနှုန်းတိုးတက်စေဖို့အတွက် ပျားရည် တစ်ဇွန်း၊ အုန်းဆီ ၂ဇွန်း၊ ငှက်ပျောသီး ၂လုံးကို ချေပြီး အားလုံးကို ရောသမမွှေပေးပါ။

ပြီးလျှင် အဆိုပါ အရောအနှောကို သင့်ခေါင်းပေါ်မှာ နာရီဝက်အကြာ သုတ်လမ်းပေးလိုက်ပါ။ ပြီးမှ ခေါင်းလျှော်ရည်ဖြင့် ခေါင်းလျှော်ခြင်းကို ပြုလုပ်နိုင်ပါတယ်။

LEAVE A REPLY

Please enter your comment!
Please enter your name here