ဆယ်ကျော်သက်လေးတွေအတွက် ကိုယ်အလေးချိန်တိုးစေဖို့ သိကောင်းစရာ (၁၀)ခု

0
34
- Advertisement -

သင့်ရဲ့ ဆယ်ကျော်သက်လေးကို ကျန်းမာစေချင်တယ်ဆိုရင် BMI ဇယားပေါ်အခြေခံပြီး သင့်တော်တဲ့ ကိုယ်အလေးချိန်ကို ထိန်းသိမ်းထားပေးဖို့ လိုပါတယ်။ သင့်ရဲ့ ဆယ်ကျော်သက်ကိုယ်အလေးချိန်ကို တိုးစေဖို့ လုပ်ဆောင်နိုင်တဲ့ အရာအနည်းငယ်ရှိပါတယ်။

-Advertisement-

၁။ ကယ်လိုရီစားသုံးမှုကို တိုးမြှင့်ပေးပါ

ဆယ်ကျော်သက်တွေစားတဲ့ အစားအစာများက သူတို့ရဲ့ ကိုယ်အလေးချိန်မှာ အရေးပါတဲ့ အခန်းကဏ္ဍတစ်ခုက ပါဝင်ပါတယ်။ ကယ်လိုရီမြင့်မားတဲ့ အစားအစာများ စားသုံးခြင်းက ခန္ဓာကိုယ်ထုထည်တိုးစေဖို့ အရေးပါ ပါတယ်။ ကယ်လိုရီစားသုံးမှုကို တိုးမြှင့်ခြင်းအားဖြင့် ကိုယ်အလေးချိန် တိုးလာမှာ ဖြစ်ပါတယ်။

၂။ ပရိုတိန်းအစားအစာနဲ့ ကြွက်သားတည်ဆောက်ပါ

ပရိုတိန်းက ခန္ဓာကိုယ်အဆီထက် ပိုကျန်းမာစေသော ကြွက်သားထုထည်ကို တည်ဆောက်ပေးပါတယ်။ ကြွက်သားတည်ဆောက်မှုကို တိုးမြှင့်ဖို့ ကြက်ဥ ၊အဆီနည်းအသား၊ ဒိန်ခဲ၊ တို့ဖူး၊ ဒိန်ချဉ်၊ ပဲပုပ်၊ ပဲအမျိုးမျိုး၊ အခွံမာသီးနှင့် အစေ့များကဲ့သို့သော ပရိုတိန်းကြွယ်ဝတဲ့ အစားအစာများ စားသုံးမှုကို တိုးမြှင့်ပေးပါ။ ခန္ဓာကိုဘ်အတွက် အကျိုးမဲ့စေသော သကြားဓါတ်နှင့် ကာဗွန်နိတ်အချိုရည်များကို ကန့်သတ်ပါ။

၃။ ပမာဏ တိုးစားပါ

ကလေးတွေဟာ နေ့ချင်းညချင်းတော့ သူတို့စားတဲ့ အစားအစာပမာဏကို တိုးနိုင်မှာ မဟုတ်ပါဘူး။ အစားအစာပမာဏကို နည်းနည်းချင်းစီ တိုးပေးပါ။

၄။ နံနက်စာ အမြဲတမ်းစားပါ

ဆယ်ကျော်သက်တွေဟာ အကြောင်းအမျိုးမျိုးကြောင့် မနက်စာကို ရှောင်လေ့ရှိပါတယ်။ ဒါက သူတို့ရဲ့ ကျန်းမာရေးကို ထိခိုက်စေနိုင်ပါတယ်။ မနက်စာ မစားတဲ့အခါ ခန္ဓာကိုယ်အတွက် လိုအပ်တဲ့ စွမ်းအင်ကို ဆုံးရှုံးစေပါတယ်။ ခန္ဓာကိုယ်ရှိ ကယ်လိုရီနည်းတာကြောင့် ကိုယ်အလေးချိန်ကိုကျစေပြီး ခန္ဓာကိုယ်ရဲ့ ဇီဝဖြစ်ပျက်မှုကိုလည်း အကျိုးသက်ရောက်စေပါတယ်။ ကိုယ်အလေးချိန်တိုးဖို့ ဥ၊ ကွေကာအုပ်၊ သစ်သီး၊ မြေပဲထောပတ်၊ သစ်သီး (သို့) သစ်သီးဖျော်ရည် ကဲ့သို့သော စွမ်းအင်မြင့်မားတဲ့ အစားအစာများ (သို့) ကယ်လိုရီများစွာပါသော ဖျော်ရည်များကို စားသုံးပေးသင့်ပါတယ်။

၅။ ခဏခဏ စားပေးပါ

ကျန်းမာစွာ ကိုယ်အလေးချိန်တိုးဖို့အတွက် ဆယ်ကျော်သက်ကလေးတွေဟာ တစ်နေ့ကို အနည်းဆုံး ၃ကြိမ်စားသင့်ပါတယ်။ စားချိန်တစ်နပ်လွတ်သွားခြင်းက နေ့စဉ်ရရှိနိုင်တဲ့ ခန္ဓာကိုယ်ရဲ့ ကယ်လိုရီပမာဏကို လျော့ကျစေပါတယ်။ မနက်စာ၊ နေ့လည်စာ၊ ညစာသုံးကြိမ်အပြင် ကယ်လိုရီကြွယ်ဝတဲ့ သရေစာလည်း စားပေးသင့်ပါတယ်။ အစာကြီးစားချိန်မှာ သစ်သီးနှင့် ဟင်းသီးဟင်းရွက်တွေကို ပိုစားပါ? ဟင်းသီးဟင်းရွက်များများ စားတဲ့ ဆယ်ကျော်သက်တွေဟာ သကြားနဲ့ ပြည့်ဝဆီအစားအစားများစားသုံးသော ဆယ်ကျော်သက်တွေနဲ့ နှိုင်းယှဉ်ပါက ကျန်းမာသန်စွမ်းစွာ ကိုယ်အလေးချိန်တိုးစေပါတယ်။

၆။ ကစီဓါတ်ပါသော အစားအစာများ ထည့်စားပါ

ကစီဓါတ်ပါတဲ့ အစားအစာတွေက ခန္ဓာကိုယ်အား ကာဗိုဟိုက်ဒရိတ်ကြွယ်ဝစေတာကြောင့် ကိုယ်အလေးချိန်တိုးဖို့ လိုအပ်တဲ့ စွမ်းအအင်နှင့် အပိုကယ်လိုရီကို ပေးပါတယ်။ ကစီဓါတ်ပါသော ဟင်းသီးဟင်းရွက်များနဲ့ သစ်သီးများက ခန္ဓာကိုယ်ဇီဝဖြစ်ပျက်မှုအတွက် လိုအပ်သော အမျှင်ဓါတ်ပါဝင်မှု မြင့်မားပါတယ်။ အာလူး၊ ဆန်၊ ဂျုံမှုန့်လုံး၊ ကွေကာအုတ်၊ နှင့် သံဓါတ်၊ ဖောလိတ်ဓါတ်နှင့် ကယ်လ်စီယမ်၊ ဗီတာမင် B6 တို့ ကဲ့သို့သော ကောက်ပဲသီးနှံများ၊ ဂျုံကြမ်းများကို စားပါ။ Whole wheat အစားအစာမှာ မရှိမဖြစ်လိုအပ်တဲ့ အာဟာရနှင့် ပရိုတိန်းများ ရှိပါတယ်။

၇။ နို့ထွက်ပစ္စည်းများနှင့် နွားနို့ကို စားသုံးပါ

ကိုယ်အလေးချိန် တိုးချင်ရင် အဆီပြည့်ဝတဲ့ dairy product များက အဆီနည်းတဲ့ နို့ (သို့) skimmed product များထက် ပိုကျန်းမာပါတယ်။ Whole milk မှာ အဆီ ၁ရာခိုင်နှုန်းသာ ပါဝင်သော်လည်း ကယ်လ်ဆီယမ်၊ ပိုတတ်စီယမ်၊ မဂ္ဂနီစီယမ်နှင့် ဗီတာမင် B-12 တို့ပါဝင်ပါတယ်။

၈။ အိပ်ရာမဝင်ခင် သရေစာစားပါ

ညအိပ်ရာမဝင်ခင် သရေစာစားခြင်းက သင်ကိုယ်အလေးချိန်ချဖို့ ကြိုးစားနေလျှင် အကြံဆိုးတစ်ခုဖြစ်နိုင်ပါတယ်။ အိပ်ရာဝင်ချိန်မှာ သရေစာစားခြင်းက ကိုယ်အလေးချိန်တတ်စေပါတယ်။ အိပ်တဲ့အချိန်မှာ ခန္ဓာကိုယ်က ကယ်လိုရီများကို လောင်ကျွမ်းစေပါတယ်။ ထို့အပြင် ခန္ဓာကိုယ် အနားယူနေစဉ်မှာ ဆဲလ်အသစ်တွေ ပြန်လည်ထူထောင်ခြင်း လုပ်ငန်းစဉ်ဟာ ညအချိန်မှာ အများဆုံးဖြစ်ပါတယ်။ ကယ်လိုရီကြွယ်ဝသော ငှက်ပျောသီးတစ်လုံးကို စားပေးပါ။ သရေစာအဖြစ် ဒိန်ချဉ်၊ ရေခဲမုန့် (သို့) သစ်သီးတစ်ပန်းကန်ကိုလည်း စားပေးနိုင်ပါတယ်။ ပိုပြီးကျန်းမာချင်ရင်တော့ ဟင်းသီးဟင်းရွက်နဲ့ သစ်သီးတွေကို စားပေးပါ။

၉။ လေ့ကျင့်ခန်းလုပ်ပါ

ကိုယ်အလေးချိန်တတ်ဖို့ နည်းတစ်နည်းက ကြွက်သားထုထည်ကို တိုးစေဖို့ ဖြစ်ပါတယ်။ ပရိုတိန်းကြွယ်ဝသော အစားအစာများ စားခြင်းအပြင် လေ့ကျင့်ခန်းလုပ်ခြင်းက ကြွက်သားတည်ဆောက်ဖို့ အထိရောက်ဆုံးနည်းလမ်းဖြစ်ပါတယ်။ လေ့ကျင့်ခန်းလုပ်တဲ့အခါ ခန္ဓာကိုယ်က စွမ်းအင်ဖြစ်တဲ့ ကယ်လိုရီတွေ လောင်ကျွမ်းပြီး ဗိုက်ဆာလာစေပါတယ်။ လေ့ကျင့်ခန်းလုပ်ခြင်းက ဆာလောင်မှုကို တိုးစေပြီး ပုံမှန်ထက် အစာပိုစားစေပါတယ်။


ကြွက်သားတည်ဆောက်သော bench presses, lifts, chin-ups, crunches, and squat လိုအားစိုက်ရတဲ့ လေ့ကျင့်ခန်းများက ကိုယ်အလေးချိန်တိုးစေဖို့အတွက် အကောင်းဆုံးပါ။ လိုအပ်တာထက် ပိုမလေ့ကျင့်မိဖို့ သတိထားပါ။ ဘာ့ကြောင့်လဲဆိုတော့ လိုအပ်တာထက််ပိုလေ့ကျင့်တာက ကယ်လိုရီတွေကို ပိုမိုလောင်ကျွမ်းစေနိုင်ပါတယ်။

၁၀။ အရှုံးမပေးပါနဲ့

အချို့လူတွေဟာ ကိုယ်အလေးချိန်ကျဖို့ ခက်ခဲသလိုပဲ သင့်ဆယ်ကျော်သက်ကလေးအတွက် ကိုယ်အလေးချိန်တိုးဖို့ ခက်ခဲနိုင်ပါတယ်။ ကျန်းာမစွာ ကိုယ်အလေးချိန်တိုးဖို့ အချိန်ယူရပြီး စည်းကမ်းလိုအပ်ပါတယ်။ တစ်ညတည်းနဲ့တော့ ကိုယ်အလေးချိန်တိုးမှာ မဟုတ်ပါဘူး။ လအနည်းငယ်လိုအပ်ပါလိမ့်မယ်။

သီအိုရီအရ ဆယ်ကျော်သက်ကလေးအရွယ်ဟာ ကယ်လိုရီ ၃၅၀၀ ခန့်စားသုံးခြင်းဖြင့် ကိုယ်အလေးချိန် ၁ပေါင်တိုးပါလိမ့်မယ်။ ပျမ်းမျှအားဖြင့် ဆယ်ကျော်သက်မိန်းကလေးဆိုရင် တစ်နေ့ ၁၆၀၀ မှ ၁၈၀၀ ကယ်လိုရီလိုအပ်ပါတယ်။ တကယ်လို့ အထိုင်များတဲ့ လူနေမှုပုံစံရှိပါက ယောကျ်ားလေးဆိုရင် တစ်နေ့ကို ကယ်လိုရီ ၂၀၀၀မှ ၂၄၀၀ အကြားလိုအပ်ပါလိမ့်မယ်။ အကြမ်းဖျဉ်းအားဖြင့် တစ်ပတ်မှ တစ်ပေါင်၊ နှစ်ပေါင်အထိ တတ်တာက ဆယ်ကျော်သက်တွေအတွက် ကောင်းမွန်သော အရေအတွက်ဖြစ်ပါတယ်။ ကြွက်သားတည်ဆောက်မှုရဲ့ လက်တွေ့ကျသော အရေအတွက်မှာ တစ်ပတ်လျှင် ½ pound ဖြစ်ပါတယ်။

Lifestyle_Myanmar

LM_Nandar

Source-momjunction

- Advertisement -

LEAVE A REPLY

Please enter your comment!
Please enter your name here