စမ်းသပ်မှုအရ လူတွေရဲ့အသက်ကို သူတို့ရဲ့အနံ့နဲ့တင် ခွဲခြားသိနိုင်တယ်လို့ ဆိုပါတယ်။ ကျွန်တော်တို့ရဲ့ ကျန်းမာရေး၊ သောက်နေတဲ့ ဆေးဝါးတွေ၊ ကျွန်တော်တို့ရဲ့ အစားအစာနဲ့ ကျွန်တော်တို့ရဲ့ ဟော်မုန်းပြောင်းလဲမှုတွေကြောင့် အသက်ကြီးလာတာနဲ့အမျှ ကျွန်တော်တို့ရဲ့ ခန္ဓာကိုယ်အနံ့ဟာ အမြဲပြောင်းလဲနေပါတယ်။ သူတို့က ချွေးပိုထွက်ခြင်းဖြင့် (သို့) အစားအသောက်နဲ့ အသားအရေဓါတုဗေဒပြောင်းလဲခြင်းတွေကြောင့် ကျွန်တော်တို့ခန္ဓာကိုယ်အနံ့ကို ပြောင်းလဲစေပါတယ်။ အသက်ကြီးလာတာနဲ့အမျှ ခန္ဓာကိုယ်အနံ့တွေ ဘာ့ကြောင့်မတူရသလဲဆိုတဲ့ အကြောင်းရင်းက ဒီမှာပါ။

၁။ နာတာရှည်ရောဂါတစ်ချို့ရှိလို့

ကျွန်တော်တို့ဟာ အသက်ကြီးလာတာနဲ့အမျှ ကျန်းမာရေးပြဿနာတွေ ပိုများလာနိုင်ပါတယ်။ ဆီးချိုရောဂါကဲ့သို့သော ရောဂါအချို့ဟာ ကျွန်တော်တို့ အသက်အရွယ်ဘယ်လောက်ပဲရှိပါစေ ကျွန်တော်တို့အနံ့ကို ပြောင်းလဲစေနိုင်ပါတယ်။ ကျွန်တော်တို့ခန္ဓာကိုယ်က Ketone ပမာဏများစွာကို ဖန်တီးပေးတာကြောင့် ဆီးချိုရောဂါဖြစ်ရင် အသီးနဲ့အချိုနံ့ထွက်လာပါတယ်။ hyperthyroidism နှင့် အသည်းရောဂါကဲ့သို့သော အခြားရောဂါတွေကလည်း ကျွန်တော်တို့ရဲ့ခန္ဓာကိုယ်အနံ့ကို ပြောင်းလဲစေပါတယ်။

၂။ အသားအရေ အိုမင်းလာတာကြောင့်

ကျွန်တော်တို့ရဲ့အရေပြားက အသက်ကြီးလာတဲ့အခါ တခါတစ်လေမှာ လူအိုအနံ့လို့ခေါ်တဲ့ Fatty acids တွေပိုများလာပါတယ်။ ဒီဖက်တီးအက်ဆစ်တွေဟာ လေနဲ့ထိတွေ့တဲ့အခါ 2-nonenal လို့ခေါ်တဲ့ အချဉ်၊ ဓါတ်ငွေ့နဲ့ မသတီစရာအနံရှိတဲ့ ဓာတုဓါတ်တစ်မျိုး တိုးစေပါတယ်။ ထို့ကြောင့် အရေပြားရဲ့အနံ့ဟာ အမှန်တကယ်ပြောင်းလဲသွားပြီး လူကြီးအနံ့ဖြစ်လာပါတယ်။

၃။ အသက်အရွယ်နှင့်အတူ အစားအသောက် ပြောင်းလဲခြင်း

ငါး၊ အမွှေးအကြိုင်နှင့် အနီရောင်အသားတွေကဲ့သို့သော အစားအစာတွေက သင့်ကိုယ်နံ့ပေါ် သက်ရောက်နိုင်ပါတယ်။ ကျွန်တော်တို့ အစားအစာက ကျွန်တော်တို့ ခန္ဓာကိုယ်အတွင်းမှာ ပြိုကွဲသွားပြီးနောက် ချွေးမှတဆင့် ဓါတုပစ္စည်းတွေ ထုတ်လွှတ်ပါတယ်။ တစ်ခါတစ်ရံမှာ အရမ်းပြင်းထန်နိုifပါတယ်။

ကျွန်တော်တို့ရဲ့ နေ့စဉ်အစားအစာမှာ ရေပမာဏက ခန္ဓာကိုယ်ရဲ့ အနံ့နဲ့ဆိုင်သော နောက်အကြောင်းရင်းတစ်ခုဖြစ်ပါတယ်။ ရေဓါတ်ခန်းခြောက်မှုပိုများလေလေ ခံတွင်းနံ့ပိုဆိုးလေ ဖြစ်ပါတယ်။ ပါးစပ်ခြောက်သွေ့ခြင်းက ဘက်တီးရီးယားတွေ ကြီးထွားဖို့အတွက် အကောင်းဆုံးနေရာဖြစ်ပါတယ်။

၄။ ဟော်မုန်းပြောင်းလဲခြင်း

ဒါကို သတိမထားမိကြပေမယ့် အထူးသဖြင့်လူသားတွေဟာ ရာသီလာခြင်းနှင့် သွေးဆုံးခြင်းကို ကြုံတွေ့ရတဲ့အခါ ခန္ဓာကိုယ်ဟော်မုန်းတွေ မကြာခဏ ပြောင်းလဲတတ်ကြပါတယ်။ လေ့လာမှုတစ်ခုအရ အမျိုးသားတွေဟာ မျိုးဥကြွေတဲ့အမျိုးသမီးက သူတို့ရဲ့ခန္ဓာကိုယ်အနံ့ကြောင့် ဆွဲဆောင်မှုအရှိဆုံးလို့တောင်ပြောကြပါတယ်။

အပျိုဖော်ဝင်ခြင်းနှင့် စိတ်ဖိစီးမှုမြင့်မားခြင်းစတဲ့ ဟော်မုန်းအပြောင်းအလဲတွေက ကျွန်တော်တို့ဘဝတစ်လျှောက်လုံးမှာ ကျွန်တော်တို့ရဲ့ အနံ့ကို ပြောင်းလဲနိုင်ပါတယ်။

၅။ အချို့ဆေးဝါးများသောက်သုံးခြင်း

antidepressants ကဲ့သို့ အချို့သော ဖြည့်စွက်ဆေးတွေနဲ့ ဆေးဝါးတွေကိုသောက်တဲ့အခါ ကျွန်တော်တို့ရဲ့ကိုယ်နံ့ကို ပြောင်းလဲစေနိုင်ပါတယ်။ ဘာလို့လဲဆိုတော့ ကျွန်တော်တို့ရဲ့ ချိုင်း၊ ပေါင်ခြံမှာ အာခရိုကုန်းဂလင်းတွေကနေ ချွေးပိုထွက်စေတာကြောင့် ကျွန်တော်တို့ခန္ဓာကိုယ်နံ့ဟာ ပြောင်းလဲသွားပါတယ်။ ချွေးက အရေပြားဘက်တီးရီးယားနဲ့ ရောနှောနေတာကြောင့် ကိုယ့်နံ့ပြင်းထန်လာပါတယ်။

၆။ ခံတွင်းသန့်ရှင်းရေးအားနည်းခြင်း

တံတွေးက ခံတွင်းနံ့မကောင်းခြင်းကို ကာကွယ်ပေးတဲ့ သဘာဝအကာအကွယ်ဖြစ်ပြီး ကျွန်တော်တို့ အသက်ကြီးလာလေ၊ တံတွေးနည်းလာလေဖြစ်ပါတယ်။ အံကပ်တွေကို စတင်ဝတ်ဆင်တဲ့အခါ ပုံမှန်သန့်ရှင်းရေးလုပ်ပေးနေရင်တောင် ပါးစပ်ထဲမှာ မကောင်းတဲ့ ဘက်တီးရီးယားတိုးလာဖို့ အခွင့်အလမ်းများပါတယ်။ သွားဖုံးရောဂါက သက်ကြီးရွယ်အိုတွေမှာ ခံတွင်းနံ့ဆိုးခြင်းနှင့် ခန္ဓာကိုယ်တစ်ခုလုံးကို အနံ့ဆိုးဖြစ်စေနိုင်ပါတယ်။