ဒီနေ့မှာတော့ တေးဂီတဟာ ကျန်းမာရေးကဏ္ဍမှာ အသုံးဝင်ပုံလေးကို ပြောပြပေးချင်ပါတယ်။ များသောအားဖြင့် ကျွန်မတို့လက်ခံထားတာက တေးဂီတ က စိတ်ခံစားမှုကို ပြောင်းလဲစေတယ်ဆိုတာပါပဲ။ ဘယ်လိုအခါမျိုးမှာ ပိုသိသာလည်းဆိုတော့ ကိုယ်ကြိုက်တဲ့သီချင်းကိုနားထောင်ရတဲ့ အချိန်ဆိုကိုယ့် Mood ဟာ ချက်ချင်းပြောင်းလဲသွားတာပါပဲ။
ဒါဟာ ကိုယ်တွေ့အခြေအနေဖြစ်ပေမယ့် သိပ္ပံပညာရှင်တွေရဲ့လေ့လာတွေ့ရှိချက်ကတော့ Music ဟာ စိတ်ခံစားမှုကို ပြောင်းလဲစေတာထက်ကို ပိုပါတယ်တဲ့။ ဘာလဲဆိုတော့ ကျန်းမာရေးအတွက်ပါ အကျိုးကျေးဇူးရနိုင်တာမျိုးပါ။ အခုပြောပြပေးမယ့် အချက်တွေက သင့်အတွက် တအံ့တသြဖြစ်စေမှာအမှန်ပါပဲ။
Austria Mental Health Charity မှာရဲ့ လတ်တလော ဆွေးနွေးပြီးရရှိသော Survey အရ Art & Music တေးဂီတကုထုံးဟာ အသုံးဝင်ဆုံးကုထုံးဖြစ်ကြောင်းတွေ့ရှိထားပါတယ်။ စိတ်ကျန်းမာရေးအတွက် ပြောရမယ်ဆိုရင်ဖြင့် တေးဂီတဟာ ဦးနှောက်အာရုံကြောနဲ့ သွေးလည်ပတ်မှုအားကို အထူးအထောက်အကူပြုပါတယ်။ စိတ်ခံစားမှုကိုထိန်းပေးတာဟာလည်း ဦးနှောက်ရဲ့ ဆောင်ရွက်ချက်တစ်ခုဖြစ်လို့ တေးဂီတဟာ စိတ်အခြေအနေကိုပြောင်းလဲစေနိုင်တာပဲဖြစ်ပါတယ်။
ကိုယ်ကျန်းမာရေးအတွက် ပြောရရင်တော့ ပထမအချက်အနေနဲ့ Chronic Back Pain ခံစားရတဲ့ ဝေဒနာသည်ကို သက်သာစေနိုင်ပါတယ်။ ဘယ်လိုကောင်းမွန်စေနိုင်သလဲဆိုတော့ တေးဂီတဟာ Tension ကိုလျော့ကျစေပါတယ်။ စိတ်ပိုင်းဆိုင်ရာပဲမဟုတ်ဘဲ ခန္ဓာကိုယ်မှာရှိတဲ့ ကြွက်သားတင်းရင်းမှုကို ပြေပျောက်စေတာမျိုးဖြစ်ပါတယ်။
Austria’s General Hospital မှာလည်း ထိုရောဂါခံစားနေရသော ဝေဒနာသည်များကို တေးဂီတကုထုံးဖြင့် အနာသက်သာအောင် ကုသပေးနေပြီပဲဖြစ်ပါတယ်။ ဘယ်လို Music Type မျိုးနဲ့ကုသပေးနေလည်းဆိုတော့ Classic အမျိုးအစားပဲဖြစ်ပါတယ်။ Classic ထဲမှာမှ တကယ့် ဂန္တဝင်စစ်စစ် Vocal မပါဘဲ Piano တီးလုံးသက်သက်ပဲဖြစ်တဲ့ Mozart တို့ Beethoven တို့ရဲ့ ငြိမ့်ညောင်းလှတဲ့ ဂီတက အထောက်အကူအဖြစ်ဆုံးလို့ပါ။
Lifestyle_Myanmar
ref-time.com
