လေ့ကျင့်ခန်းလုပ်တယ်ဆိုတာဟာ အင်မတန်ခက်ခဲကြမ်းတမ်းတဲ့ အရာတစ်ခုပါ။ ကြိုက်တဲ့လူတွေအတွက်ကျတော့လည်း တစ်ခါလုပ်ပြီးသွားတာနဲ့ ဘယ်လိုမှရပ်တန့်လို့မရတော့တဲ့ အရာတစ်ခုပါပဲ။ ဒါပေမယ့်အချို့လူတွေကတော့ အကြောင်းအရင်းအမျိုးမျိုးကြောင့် Gym မသွားနိုင်ကြပါဘူး။ ဒီလိုသူငယ်ချင်းတွေအတွက် ကျစ်လစ်တဲ့ ခန္ဓာကိုယ်တည်ဆောက်ရာမှာ အထောက်အပံ့ဖြစ်စေတဲ့ လေ့ကျင့်ခန်းလေးတွေကို ဖော်ပြပေးချင်ပါတယ်။
Gym ထိသွားစရာမလိုဘဲ အိမ်မှာလည်းအလွယ်တကူလုပ်နိုင်မှာပါ။
Plank
Plank ထောက်တဲ့အခါ ဝမ်းဗိုက်ကြွက်သားတွေပါ အလုပ်လုပ်စေတဲ့အတွက်ကြောင့် ကျောရိုးကိုပါ အထောက်အကူဖြစ်စေပြီး သန်မာစေလို့ Abs ထွက်ဖို့အတွက် အဓိကလိုအပ်တဲ့ လေ့ကျင့်ခန်းတစ်ခုပါပဲ။ Plank လေ့ကျင့်ခန်းကို အနည်းဆုံး ၂ မိနစ်ပြုလုပ်ပေးရပါမယ်။
Squats
Squat လေ့ကျင့်ခန်းပြုလုပ်တာဟာ နာကျင်ပေမယ့်လည်း ကိုယ့်ရဲ့တင်ပါးကို တင်းရင်းစေဖို့အတွက် အကောင်းဆုံးလေ့ကျင့်ခန်းပဲဖြစ်ပါတယ်။ ပေါင်ရင်းသား၊ ခြေသလုံးစတဲ့ ခန္ဓာကိုယ်အောက်ပိုင်းကို သန်မာစေပါတယ်။ တစ်နေ့လျှင် အကြိမ် ၅၀ လုပ်ပေးပါ။
အိပ်ထမတင်
ဝမ်းဗိုက်ကြွက်သားတွေကို တည်ဆောက်ဖို့အတွက် အကောင်းဆုံးလေ့ကျင့်ခန်းတစ်ခုဖြစ်တဲ့ အိပ်ထမတင်ကိုတော့ တစ်ခါလုပ်ရင် အကြိမ် ၂၀ ကို သုံးကြော့လုပ်ပေးရပါမယ်။
ကြိုးခုန်ခြင်း
ငယ်စဉ်တုန်းကလည်း ကြိုးခုန်ဖူးပေမယ့် အရွယ်ရောက်လာတဲ့အခါမှာတော့ ခန္ဓာကိုယ်ပုံစံကို သေချာတည်ဆောက်နိုင်ဖို့အတွက် ပိုပြီးကြိုးခုန်ဖို့ ကိုယ့်ကိုယ်ကို တွန်းအားပေးသင့်ပါတယ်။ ၁၀ မိနစ်ကြိုးခုန်တာဟာ မိနစ် သုံးဆယ်ပြေးခြင်းနဲ့ ညီမျှပါတယ်။ ဒါကြောင့် တစ်နေ့လျှင် အကြိမ် ၂၀၀ လောက် ကြိုးခုန်ပေးပါ။
ရှေ့ခြေထိုးလေ့ကျင့်ခန်း
Squat နဲ့ ပုံစံတူပေမယ့် ခန္ဓာကိုယ်အောက်ပိုင်းရဲ့ အပိုင်းအကုန်လုံးကို ကျစ်လစ်လှပစေတဲ့ လေ့ကျင့်ခန်းတစ်ခုဆိုလည်း မမှားပါဘူး။ လေ့ကျင့်ခန်းလုပ်မယ်ဆိုရင်တော့ ခြေထောက်တစ်ဖက်ကို အကြိမ် ၂၀ လုပ်ပေးပါ။
အပြေးလေ့ကျင့်ခန်း
အပြေးလေ့ကျင့်ခန်းကတော့ ခန္ဓာကိုယ်တစ်ခုလုံးကို လေ့ကျင့်ခန်းလုပ်ပေးဖြစ်ပြီး အဆီလောင်ကျွမ်းစေဖို့လည်း အလွန်ကိုအထောက်အကူဖြစ်စေပါတယ်။ စလုပ်ချိန်မှာ ၁၅ မိနစ်လောက်ပြုလုပ်ပြီး နောက်ပိုင်းတွေမှာတော့ ၄၅ မိနစ် ပြုလုပ်ပေးပါ။
အကလေ့ကျင့်ခန်း
ကခုန်ခြင်းကလည်း လေ့ကျင့်ခန်းလုပ်တာ မဟုတ်ဘူးလို့ ဘယ်သူပြောပါသလဲနော်။ ကိုယ်က ကတတ်သည်ဖြစ်စေ၊ မကတတ်သည်ဖြစ်စေ အပြေးလေ့ကျင့်ခန်းလိုပဲ ကခုန်ခြင်းကလည်း ခန္ဓာကိုယ်တစ်ခုလုံးကို အပြည့်လေ့ကျင့်ခန်း လုပ်ပေးရာရောက်ပါတယ်။
Lifestyle_Myanmar
ref-10tipsforhealth
