လူတိုင်းလူတိုင်းက မိမိပိုင်ဆိုင်ထားရတဲ့ ဘဝတစ်ခုကို ပျော်ရွှင်စွာပဲ ဖြတ်သန်းချင်ကြမယ်ထင်ပါတယ်။ ဒါပေမယ့် လောဘ ဒေါသစိတ်တွေကြောင့် ထင်သလောက် ဘဝတွေက ပျော်ရွှင်စရာကောင်းမနေခဲ့ပါဘူး။ ဒီနေ့မှာတာ့ ပျော်ရွှင်တဲ့ ဘဝတစ်ခု ပိုင်ဆိုင်ချင်သူတိုင်း ဘဝမှာ ဘယ်လိုအချက်တွေကို စွန့်လွတ်ရမယ်ဆိုတာနဲ့ ပတ်သက်ပြီး ပြောပြပေးချင်ပါတယ်။
မကောင်းမြင်စိတ်များခြင်း
မကောင်းမြင်တဲ့ စိတ်တွေဟာ လူကို ဒုက္ခကောင်းကောင်းပေးနိုင်တဲ့ အရာတွေပါ။ အချိန်တိုင်း မကောင်းမြင်စိတ်တွေ မကောင်းတဲ့အတွေးအခေါ် အယူအဆတွေနဲ့ ပဲ ဘဝကိုရှေ့ဆက်နေမယ်ဆိုရင် ပျော်စရာကောင်းတဲ့ ဘဝဆိုတာလည်း ရှိလာမှာမဟုတ်ပါဘူး။ မကောင်းတဲ့စိတ်ခံစားမှုတွေက ကူးစက်တတ်တဲ့ သဘောရှိတာကြောင့် ကိုယ့်ပတ်ဝန်ကျင်မှာလည်း မကောင်းမြင်စိတ်ရှိသူတွေ အပြုသဘောမဆောင်တဲ့ လူတွေနဲ့လည်း အပေါင်းအသင်းမလုပ်ဖို့ အကြံပြုချင်ပါတယ်။
ဆန္ဒတွေနောက်လိုက်ခြင်း
မပျော်ရွှင်ကြတဲ့လူတွေကို ကြည့်မယ်ဆိုရင် သူတို့မှာ ဖြစ်ချင်တဲ့ဆန္ဒတွေက အရမ်းကိုများကြတာတွေ့ရပါတယ်။ ဘဝမှာဖြစ်ချင်တဲ့ ဆန္ဒတွေနောက်ကိုသာ လိုက်နေမယ်ဆိုရင် မိမိလက်ရှိပိုင်ဆိုင်ထားတဲ့ဘဝက လုံးဝကျေနပ်စရာကောင်းတော့မှာ မဟုတ်ပါဘူး။ ဒါကြောင့် ဖြစ်ချင်တာထက် ဖြစ်သင့်တာကိုဦးစားပေးပါ။ အလှမ်းဝေးနေသေးတဲ့ လိုချင်တောင်းတမှုစိတ်ဆန္ဒတွေကို ခဏတာမေ့ပျောက်ထားပြီး လက်ရှိဘဝကိုပဲ ကျေနပ်စွာဖြတ်သန်းသင့်ပါတယ်။
လူအထင်ကြီးခံချင်ခြင်း
ဘဝမှာ အရှိကိုအရှိအတိုင်း လက်ခံနိုင်ခြင်းကသာ ပျော်ရွှင်ဖွယ်ကောင်းတဲ့ ဘဝတစ်ခုပိုင်ဆိုင်နိုင်မှာပါ။ လူတွေအထင်ကြီးခံရအောင် မရှိကိုအရှိလုပ်ရတာက ဘဝမှာ ပင်ပန်းခက်ခဲဆုံးလုပ်ရပ်တစ်ခုဖြစ်ပါတယ်။ ကိုယ့်ဘဝမှာ အရှိကိုအရှိအတိုင်း နေထိုင်ခြင်းကသာ အကောင်းဆုံးပါ။ ဒါကြောင့် လူတွေ အထင်ကြီးအောင် အလိမ်အညာတွေ အတုအယောင်တွေနဲ့ ဘဝကိုမွမ်းမံမနေပါနဲ့။ ဟန်ဆောင်မှုကင်းကင်းနဲ့ အရှိကိုအရှိအတိုင်း ဖြတ်သန်းတာကသာ အကောင်းဆုံးပါ။
ပြီးပြည့်စုံအောင် ကြိုးစားခြင်း
လောကမှာအရာရာ ပြီးပြည့်စုံတဲ့လူဆိုတာ မရှိပါဘူး။ လူတိုင်းမှာ အားနည်းချက် လိုအပ်ချက်ဆိုတာရှိပါတယ်။ ဒါကြောင့် အတင်းကြီး ပြီးပြည့်စုံတဲ့ လူတစ်ယောက်ဖြစ်အောင် မကြိုးစားပါနဲ့။ ဘဝကို ပြီးပြည့်စုံချင်သူတွေဟာ ပျော်ရွှင်မှုနဲ့ ဝေးကွာသွားတတ်ပါတယ်။ အမှားရှိရင်အမှားကို လက်ခံပေးပါ။ အမှားထဲကနေပဲ အကောင်းဆုံးဖြစ်အောင် သင်ယူကြရမှာပါ။ ဘယ်သူမှ အရာရာမှာပြီးပြည့်စုံတယ်ဆိုတာ မရှိပါဘူး။
Lifestyle_Myanmar
ref-dailygood
